Xhafaj pret ambasadorin e BE, asistencë për vetingun në Polici
Luigi Soreca vlerëson arrestimin e grupit "Bajri"
Ministri i Brendshëm Fatmir Xhafaj priti dje ambasadorin e ri të Bashkimit Europian në Tiranë, Luigi Soreca. Që në nisje të takimit, të dyja palët vlerësuan bashkëpunimin e deritanishëm me delegacionin dhe ambasadorët e vendeve anëtare të BE- së dhe konfirmuan gatishmërinë për ta konsoliduar më tej këtë klimë pozitive bashkëpunimi. Ministri Xhafaj i dorëzoi ambasadorit Dokumentin e Prioriteteve dhe Planin e Veprimit, si dhe e informoi rreth rezultateve të deritanishme të punës së Ministrisë së Brendshme. Ai e njohu Soreca- n në mënyrë të hollësishme me rezultatet e fundit të Policisë së Shtetit në kuadër të operacionit "Forca e Ligjit", procesin e vetingut në Polici, për të cilin kërkoi asistencë dhe ekspertizë për mbarëvajtjen e tij. Gjithashtu, bashkëbiseduesit u ndalën në rëndësinë e projektit të Policimit në Ko- munitet, duke i dhënë rëndësinë e duhur procesit në nivel vendor. Ambasadori vlerësoi maksimalisht arritjet e Ministrisë së Brendshme dhe Policisë së Shtetit. Ai u shpreh se mbetet i gatshëm të ofrojë edhe ekspertizën e tij në fush- ën e sigurisë. "Lufta kundër krimit të organizuar, çështjet e sigurisë dhe migracioni do të mbeten prioritete edhe në muajt në vijim", nënvizoi Soreca. Ministri konfirmoi se prioritetet e Ministrisë së Brendshme përputhen me ato të BE- së. "Duam të konsolidojmë dhe thellojmë marrëdhëniet me delegacionin, duke vendosur një komunikim intensiv", u shpreh Xhafaj. Ambasadori pati një vlerësim të veçantë për operacionin ndaj grupit kriminal "Bajri" në Shkodër, duke theksuar rëndësinë e njohjes së rezultateve pozitive. Xhafaj e falënderoi Soreca- n për inkurajimin dhe mbështetjen që delegacioni dhe ambasadori i ri i ka dhënë edhe personalisht punës dhe rezultateve të Policisë së Shtetit. Ambasadori i BE- së në Tiranë u angazhua për t'i dhënë shtysë procesit të hapjes së negociatave, duke punuar fort për të bindur edhe ato shtete skeptike mbi ecurinë dhe progresin e Shqipërisë në rrugën drejt BE- së.