Referendumi, kusht politik, jo detyrim ligjor

Dalja në referendumin e 30 shtatorit është një nga çështjet që mbizotërojnë në Maqedoni, mbi fatin e Marrëveshjes së Prespës dhe të së ardhmes euroatlantike të vendit fqinj. Sipas shefit të diplomacisë maqedonase, Nikola Dimitrov, referendumi nuk është një kusht ligjor i Marrëveshjes. Në të përmendet referendumi, por si angazhim politik dhe një premtim nga LSDM- ja në programin zgjedhor dhe në programin e VMRO- DPMNE që nga viti 2005. “Në programin e fundit të VMRO- DPMNE- së, që erdhi në zgjedhjet e vitit 2016, nuk ka census. Në program thuhet se nëse ka një marrëveshje në tryezë do të kërkojmë nga qytetarët dhe nëse shumica thonë ‘ Po’, do ta konfirmojmë atë marrëveshje. Për 27 vjet nuk kemi asnjë marrëveshje. Për herë të parë, tani kemi në tryezë një marrëveshje, e mbrojmë atë që është më e rëndësishmja: kush jemi. Ata që në vitin 2005 flasin për referendum, ia arritëm kësaj dite. Referendumi ynë është për pak ditë dhe shihni në çfarë situate ndodhemi. Është koha që të bashkohemi rreth kësaj çështje”, tha Dimitrovi në lidhje me referendumin për marrëveshjen e emrit me Greqinë, që u hap rrugën e integrimeve në BE dhe në NATO, vendit që do të quhet Republika e Maqedonisë së Veriut. Sipas tij, legjitimiteti i referendumit do të jetë një shumicë e madhe. Kreu i opozitës të VMRO- DPMNEsë, Hristijan Mickoski, doli me qëndrimin se nëse referendumi është i suksesshëm dhe shumica voton në mbështetje të pyetjes së referendumit, partia do ta respektojë atë, por tha se marrëveshja për ndryshimin e emrit është e dëmshme dhe duhej refuzuar.