Prova gjenerale, Tirana e Partizani shpërthejnë në gola
Të kuqtë dhe bardheblutë, sinjale force në distancë para derbit
Në provat gjenerale para derbit, Tirana e Partizani shkëlqyen në ndeshjet e kthimit në Kupën e Shqipërisë, teksa të dyja fituan me shifrat 4- 0.
Partizani priste ekipin e Tërbunit në Pezë dhe me sfidën e parë që ishte mbyllur me shifrat 1- 0, "demat" nuk u ndalën.
PARTIZANI- TËRBUNI
Goli i parë i të kuqve u shënua nga Çinari me kokë, ndërsa në atë moment mbrojtja kundërshtare e mendoi lojtarin e kuq si në pozicion jashtë loje. I dyti u shënua nga Jurgen Bardhi, një goditje ballore, drejtpërdrejt në kuadrat, nga rreth 20 metra largësi. Më pas erdhi edhe rrjeta e dytë e Çinarit, i cili shënoi me një parabolë mbi portierin. Interesant është fakti se ndeshja e kthimit në këtë tur të Kupës përkon me javën e derbit dhe interesi ishte i madh në kompleksin e Pezës, ku u zhvillua sfida. Rreth 300 tifozë ndoqën nga afër takimin e kthimit të Partizanit ndaj Tërbunit.
TIRANA- ILIRIA
Ndërkohë, edhe në ndeshjen tjetër Tirana fitoi po me shifrat 4- 0 ndaj Ilirisë, ndërkohë që ndeshjen e parë e kishte fituar në transfertë 14. Kujtojmë që Tirana e Partizani luajtën 24 orë para ekipeve të tjera, sepse luajnë ditën e premte derbin. Në kampin e Tiranës ishte dita e Junus Sentamusë, i cili shënoi tripletë. Të parin e realizoi pas një topi të gjatë të Karabecit dhe ugandezi shënoi i vetëm me portierin. Në golin e dytë, pas një kombinimi me sulmuesin Ngo, është Sentamu që del para portës dhe godet pa vështirësi. Ndërkohë, tripletën e plotësoi pas një krosi të Ismailgecit dhe Sentamu vetëm sa shtyu topin në rr- jetë. Në pjesën e dytë, rrugën e rrjetës e gjeti edhe Ngo, i cili u shërbye nga Muçi nga krahu i djathtë dhe i vetëm me portierin goditi e shënoi.