“Porosi e shefit pesë mijë euro”, zbardhen përgjimet për drejtorin dhe juristen e Hipotekës
ARRESTOHET KREU I HIPOTEKES SE SHKODRES, ZAMIR LEKA DHE BASHKEPUNETORJA, FRIDA MIRASHI. AKUZE EDHE PER KERCENIM
Arrestimi i kreut të Hipotekës së Shkodrës dhe juristes së këtij institucioni ka sjellë dje reagimin e ministres së Drejtësisë, Etilda Gjonaj.
Nëpërmjet një konference për shtyp, ministrja përgëzoi punën e strukturave që hetuan rastin abuziv në institucionin e rëndësishëm të Shkodrës. Ajo paralajmëroi se do të goditen pa asnjë tolerim aktet korruptive dhe abuzimet me detyrën të zyrtarëve, kushdo qofshin ata. "Platforma e bashkëqeverisjes shqipëriaqëduam. al dhe Task- Forca Antikorrupsion e qeverisë nga njëra anë, si edhe bashkëpunimi në rritje Prokurori Polici e Shtetit nga ana tjetër, po e fuqizojnë dita- ditës kapacitetin goditës të shtetit. Jam këtu për të përgëzuar bashkëveprimin mes Prokurorisë, Policisë së Shtetit dhe organeve të tjera ligjzbatuese, të cilat janë konkretizuar sot me ndalimin e regjistruesit të ZVRPP- së Shkodër dhe një specialisteje të këtij institucioni", thuhej në reagimin e ministres nëpërmjet një konference për shtyp. Ministrja Gjonaj theksoi më tej se jo vetëm ky rast, por një sërë operacionesh të finalizuara me sukses ditët e fundit janë fryt i bashkëpunimit midis strukturave Antikorrupsion, Policisë së Shtetit dhe Prokurorisë. Ajo përmendi veç arrestimeve të kryera në Shkodër, edhe rastin e dy inspektorëve të AKU- së, të cilët u ndaluan një ditë më parë nga Policia e Durrësit po për korrupsion.
"Mjafton të përmendim ndalimin nga Policia e Shtetit të dy punonjësve të AKU- së në Durrës, të cilët dyshohet se kanë kryer veprën penale të korrupsionit, të një tjetër punonjësi të ZVRPP- së Shkodër dhe dy shtetasve për ushtrim ndikimi të paligjshëm, për të vërtetuar efektshmërinë në rritje të forcës goditëse të shtetit kundër korrupsionit. Të njëjtën vendosmëri dhe bashkëpunim do të duhet të demonstrojmë edhe në një sërë veprimesh të tjera të nisura tashmë", theksoi më tej ministrja e Drejtësisë. Sipas ministres Gjonaj, do të goditen pa asnjë tolerim aktet korruptive dhe abuzimet me detyrën të zyrtarëve dhe kujtdo punonjësi tjetër të shtetit. "Dua të siguroj gjithë qytetarët se ky angazhim i përbashkët institucional do të vijojë me reagime konkrete, si një tregues i vendosmërisë së shtetit për të goditur pa asnjë tolerim, këdo që do të kryejë akte korruptive apo do të abuzojë me detyrën. Gjithashtu, për të qenë transparentë me publikun, ashtu siç dhe jemi angazhuar, nesër ( sot) do të komunikojmë përsëri për një përmbledhje javore të rezultateve të veprimtarisë antikorrupsion", theksoi më tej ministrja Gjonaj. Reagimi i ministres erdhi menjëherë pas arrestimeve të kryera në Shkodër, ku kreu i Hipotekës dy- shohet se ka abuzuar me detyrën dhe ka konsumuar elementët e veprës penale të korrupsionit. Prej disa kohësh, dikasteri i drejtësisë ka inkurajuar goditjen e akteve korruptive të kujtdo zyrtari të Hipotekës apo edhe institucioneve të tjera, ku në mjaft raste drejtuesit e tyre duke përfituar nga pozicioni që kanë, kërkojnë para për të kryer veprimet, për të cilat e kanë detyrë funksionale të tyren.
Dua të siguroj gjithë qytetarët se ky angazhim i përbashkët institucional do të vijojë me reagime konkrete, si një tregues i vendosmërisë së shtetit për të goditur pa asnjë tolerim, këdo që do të kryejë akte korruptive apo do të abuzojë me detyrën”