Ekonomia u rrit 4,3 për qind, INSTAT: Ndikimi nga Energjia
“Energjia dha ndikimin më të madh me 1,76 për qind”
Ekonomia u rrit 4,3 për qind në tremujorin e dytë të vitit 2018. Shifrat për rritjen ekonomike u bënë dje publike nga Instituti i Statistikave.
Sipas INSTAT, kontributin më të madh në rritjen e ekonomisë e dha sektori i energjisë dhe industrisë, si dhe tregtia dhe turizmi. Sektori i energjisë vazhdon të jetë kontribuuesi kryesor i rritjes ekonomike për të dytin 3- mujor radhazi. Kjo vjen për shkak të rritjes së prodhimit të energjisë, ndërsa sektori i ndërtimit dha kontribut negativ. Po ashtu, ky është i dyti tremujor që rritja ekonomike është mbi 4 për qind, duke tejkaluar edhe parashikimet e Fondit Monetar Ndërkombëtar dhe Bankës Botërore. Referuar të dhënave të INSTAT, kontributin kryesor në këtë rritje e kanë dhënë degët si Industria, Energjia dhe Uji me 2,37 për qind e ndjekur nga Tregtia, Transporti, Akomodimi dhe Shërbimi ushqimor me 0,82 për qind dhe Aktivitete MIJE 4,3 për qind u rrit ekonomia në 3- mujorin e dytë, sipas statistikave të INSTAT. Kontributin më të lartë në ekonomi e dhanë sektori i Energjisë, Industrisë dhe Turizmit, kurse Ndërtimi ishte me impakt negativ profesionale dhe Shërbime administrative me 0,44 për qind. Po ashtu, kontribut në rritjen ekonomike dha edhe Bujqësia, Pyjet dhe Peshki- mi me 0,29 për qind, sektori Arte, argëtim dhe çlodhje, Aktivitete të tjera shërbimi me 0,21 pikë përqindje, Administrata publike, Arsimi dhe Shëndetësia me 0,17 për qind, Aktivitete Financiare dhe të Sigurimit me 0,08 për qind dhe Aktivitete të pasurive të paluajtshme me 0,03 për qind. Negativisht kontribuoi aktiviteti i Ndërtimit - 0,19 për qind, si dhe Informacioni dhe Komunikacioni - 0,16 për qind. Taksat neto mbi produktet kontribuuan pozitivisht me 0,26 për qind. Komponenti kryesor i prodhimit të brendshëm bruto, për tremujorin e dytë të vitit 2018, krahasuar me tremujorin e dytë të vitit 2017 mbetet konsumi i familjeve. “Konsumi final i popullatës, i cili përbën peshën kryesore të shpenzimeve në ekonomi u rrit me 3,35 për qind. Konsumi final i qeverisë u ul me 3,43 për qind. Komponenti i formimit bruto të kapitalit fiks u rrit me 1,48 për qind. Sipas të dhënave të përshtatura sezonalisht, ndryshimet, në krahasim me tremujorin paraardhës, shfaqen si më poshtë: Konsumi final i popullatës pësoi një rritje me 1,65 për qind, krahasuar me tremujorin e parë të vitit 2018. Konsumi final i qeverisë u ul me 6,04 për qind. Komponenti i formimit bruto të kapitalit fiks shënoi një rritje me 0,83 për qind”, shpjegon INSTAT. Po ashtu, ndër degët kryesore të ekonomisë për tremujorin e dytë të vitit 2018, krahasuar me tremujorin e dytë të vitit 2017, që ka pësuar rritjen më të lartë është Industria Përpunuese dhe Energjia Elektrike, të cilat u rritën përkatësisht me 11,16 për qind dhe 67,44 për qind. Energjia ka dhënë ndikim të madh edhe në rritjen reale të prodhimit të brendshëm bruto 1,76 për qind.