PROKURORI BESNIK MUÇI
"Prokuroria e Krimeve të Rënda i kushtoi vëmendje maksimale, që në momentin që nga Prokuroria e Përgjithshme u dërgua letërporosia e autoriteteve amerikane. Bëmë të gjitha veprimet për të ekzekutuar letërporositë. Patëm ndihmën edhe të Ministrisë së Drejtësisë dhe më pas edhe në Gjykatë. Në bashkëpunim shumë eficient dhe të drejtpërdrejtë me autoritetet amerikane të zbatimit të ligjit, agjentët e DEA- s dhe agjentë të tjerë amerikanë kundër drogës, ne arritëm të finalizojmë operacionin dhe të gjenim bazën e parë e të kryenim kontrollin e saj, ku në vlerësimin tim, ishte një situatë edhe nga pikëpamja sociale shumë shqetësuese, pasi ishte në kushtet e përgatitjes së drogave shumë të forta sintetike".
Drejtori i Përgjithshëm i Policisë, Ardi Veliu, mori pjesë ditën e djeshme në takimin e drejtorëve të policive të vendeve europiane, që po zhvillohet në Hagë. Veliu u shoqërua në këtë takim që zhvillohet në qendrën e Europolit nga shefi i Zyrës Kombëtare të Europol dhe oficeri i kontaktit të Policisë së Shtetit në Europol. Veliu takoi gjithashtu edhe kreun e Policisë holandeze, Erik Akerboom, me të cilin bisedoi në lidhje me operacionin e fundit të përbashkët mes Policisë shqiptare dhe asaj holandeze, për shkatërrimin e grupit "Bajri". Sipas një njoftimi zyrtar të Policisë së Shtetit, drejtori i përgjithshëm Ardi Veliu falënderoi drejtorin e Policisë holandeze për bashkëpunimin gjatë operacionit të fundit të koduar "OAZ", që u finalizua në bashkëpunim me Policinë holandeze, ku u godit një grup krimi- nal që operonte në Shqipëri dhe Holandë. Nga ana e tij, Akeboom theksoi se ky operacion tregoi nivelin e besimit ndërmjet dy policive dhe konfirmoi se do të pasohet nga shkëmbime të mëtejshme informacionesh dhe opera- cione të tjera të përbashkëta. Nga ana tjetër, drejtori i Policisë holandeze shprehu falënderime për punën e Policisë shqiptare dhe të oficerëve të kontaktit në të dy vendet. Në fund të takimit Veliu ftoi drejtorin e përgjithshëm Ak- erboom për një vizitë në Tiranë, ftesë e cila u prit me kënaqësi nga homologu holandez. Operacioni i famshëm për shkatërrimin e grupit "Bajri" nisi të premten e kaluar dhe u zhvillua në mënyrë të sinkronizuar në Tiranë, Shkodër dhe Roterdam. Në total u arrestuan 11 persona dhe 2 të tjerë janë në kërkim. Mes të arrestuarve është edhe Safet Bajri, i cili u arrestua në Tiranë në zonën e "Xhamllikut". Për të ka një vendim penal nga Gjykata e Apelit në Belgjikë, që e ka dënuar me 9 vjet burg për disa vepra penale. Grupi "Bajri" dyshohet se është përfshirë në disa vrasje, trafik narkotikësh, pastrim parash, gjobëvënie dhe trukim ndeshjesh. Hetimet për këtë grup vazhdojnë ende.