DREJTORI I POLICISË KRIMINALE
Dy shtetas amerikanë, njëri me origjinë shqiptare, janë arrestuar dje gjatë një operacioni të Policisë së Shtetit e Prokurorisë së Krimeve të Rënda, në bashkëpunim me DEA- n amerikane, pasi dyshohet se prodhonin droga sintetike.
Gjatë operacionit ndërkombëtar antidrogë, të koduar "Sintetiku", Policia zbuloi në Tiranë një bazë që përdorej për prodhimin e drogës së fortë, e cila më pas shpërndahej nëpërmjet të ashtuquajturit "Dark web". Për të bërë publike rezultatet e këtij operacioni, dolën dje në një konferencë për shtyp drejtori i Policisë Kriminale, Eduart Merkaj, dhe prokurori i Krimeve të Rënda, Besnik Muçi. Ky i fundit u shpreh se përveç zbatimit të letërporosisë së mbërritur nga Amerika, tashmë në bashkëpunim me Policinë mund të nisë një hetim edhe për aktivitetin kriminal të mundshëm të këtyre dy personave në vendin tonë. Ndërsa drejtori Merkaj deklaroi se dy personat e arrestuar po tentonin të largoheshin nga vendi jonë në momentin e arrestimit dhe ishin të pajisur me dokumente të rregullta.
OPERACIONI
Policia e Shtetit njoftoi dje se është finalizuar operacioni antidrogë ndërkombëtar i koduar "Sintetiku" në bashkëpunim me agjencitë ligjzbatuese amerikane. Operacioni është kryer nga Policia Shtetit, Prokuroria e Krimeve të Rënda dhe DEA amerikane, duke arrestuar 2 shtetas amerikanë, të cilët strehoheshin në Shqipëri. Këta dy persona u arrestuan në zbatim të letërporosisë së autoriteteve amerikane, si dhe pas vendimit të Gjykatës së Shkallës së Parë për Krimet e Rënda për zbatimin e saj. Operacioni u finalizua nga Departamenti i Policisë Kriminale në Policinë e Shtetit në bashkëpunim me Prokurorinë e Krimeve të Rënda dhe DEAn amerikane pas një pune të mirëorganizuar, duke vënë në pranga shtetasit Vincent ( Dominic) De Caro, 29 vjeç, dhe Arber Isaku, 29 vjeç, të dy lindur dhe banues në New York, SHBA. Ndaj tyre, Gjykata e Connecticut, SHBA, kishte vendosur masën e sigurisë "Arrest me burg" për veprën penale "Prodhim dhe shitje të lëndëve narkotike dhe substancave psikotrope", vepër e kryer nëpërmjet "dark web".
HETIMI
Dy shtetasit e arrestuar ish- "Te njoftimi për shtyp që bëra, ju sqarova se këta dy persona po tentonin të largoheshin jashtë Shqipërisë në momentin që i arrestuam. Dhe duke qenë se jemi përpara këtij fakti, personat kanë përdorur dokumente të rregullta. Për të gjitha detajet, për të gjitha ato prova deri në këtë fazë që jemi, do të merrni fotografitë. Për hetimet në vijim, ne dhe Prokuroria kemi komunikim të drejtpërdrejtë dhe do ju vëmë në dijeni për çdo gjë tjetër. in në hetim prej një viti nga DEA. Ata kishin krijuar bazë dhe fshiheshin në Tiranë, ku po përgatiteshin për të prodhuar drogë sintetike. Pas marrjes së letërporosisë dhe vendimit të Gjykatës së Krimeve të Rënda për ekzekutimin e saj, Departamenti i Policisë Kriminale në Policinë e Shtetit, pas një muaj hetimi në bashkëpunim me Prokurorinë e Krimeve të Rën- da dhe DEA- n, arriti të zbulojë bazën ku fshiheshin 2 shtetasit. Gjatë kontrollit në këtë bazë që ata e përdornin për strehim, por edhe për të zhvilluar aktivitetin kriminal, u gjetën dhe u sekuestruan mjetet dhe prekursorët që do të shërbenin për përgatitjen e drogave sintetike, si edhe një numër i madh pajisjesh elektronike. "Shtetasit e mësipërm u mbajtën nën vëzhgim nga agjentët e Policisë Kriminale në Policinë e Shtetit dhe u arrestuan në Morinë, në tentativë për t'u larguar nga Shqipëria. Në operacion kanë marrë pjesë edhe agjentët e DEA- s. Për arsye hetimi nuk bëjmë me dije detaje të tjera. Operacioni dëshmon seriozitetin dhe vendosmërinë e Policisë së Shtetit dhe Prokurorisë për të luftuar krimin e organizuar, gatishmërinë për të bashkëpunuar ngushtësisht me agjencitë ligjzbatuese brenda dhe jashtë vendit, si dhe rikonfirmoi edhe një herë besimin dhe bashkëpunimin e shkëlqyer ndërmjet Policisë së Shtetit, Prokurorisë dhe agjencive ligjzbatuese amerikane", u shpreh dje gjatë deklaratës drejtori i Policisë Kriminale, Eduart Merkaj.