Shtanget Barcelona, Leganesi e përmbys për 1 minutë
Juventusi dhe Napoli kanë bërë detyrën në shtëpi, duke mposhtur respektivisht Bolonjën dhe Parmën. Dibala dhe Matuidi ishin autorët e golave për skuadrën e Alegrit. Edhe pse nuk shënoi, Ronaldo u bë protagonist i kësaj sfide me asistin e dhënë në shënimin e golit të dytë. Fitore pa shumë vuajtje për Napolin e Ançelotit. Mbrojtësi i Kombëtares, Elseid Hysaj, nuk u preferua nga trajneri në këtë përballje, duke qëndruar në stol pasi ishte referuar rotacioni në disa reparte të fushës. Paraqitje dinjitoze për Ber- ishën në sfidën ndaj Torinos. Shqiptari mbajti të paprekur portën, duke bërë heroin në mjaft raste. Roma bën autokritikë në shtëpi përballë Frosiniones pas një periudhe të vështirë. Skuadra e trajnerit Di Françesko triumfoi me rezultatin 40. Ndërkohë në 2 sfidat e tjera, Xhenova mposhti Kievon, ndërsa Kaljari barazoi pa gola ndaj Sampdorias.
KUPA E LIGËS, ANGLI
Në Kupën e Ligës në Angli, vëmendja padyshim ishte te supersfida mes Liverpulit dhe Çelsit. Skuadra e Antonio Kontes arriti të triumfonte me përmbysje përballë "The reds" të drejtuar nga Jurgen Klop. Vendasit shënuan të parët me Starixh, ndërsa blutë e Londrës përmbysën rezultatin 5 minuta nga fundi me Emerson dhe Hazard. Kujtojmë që këto dy skuadra do të përballen sërish së bashku ditën e shtunë në takimin e vlefshëm për Premier Ligën. Në sfidat e tjera të zhvilluara, Arsenal mposhti Brentfordin me rezultatin 31. Skuadra e Uest Hemit është treguar e pamëshirshme ndaj Maclesfieldit, duke shënuar plot 8 gola përballë skuadrës që militon në Liga 2.
SPANJË
Pas barazimit ndaj Gironës në fundjavë, Barcelona vazhdon të zhgënjejë në kampionat. Ekipi katalanas u mund në transfertë nga Leganesi. Kutinjo zhbllokoi rezultatin që në minutën e 12- të për blaugranat, pas një asisti të Mesit dhe gjithçka u duk e thjeshtë për ekipin e Valverdes. Por, në pjesën e dytë erdhi edhe përmbysja e madhe për 1 minutë. El Zhar dhe Oskar, shënuan në minutat 52 dhe 53 dhe shtangën Barcelonën. Pas javës së gjashtë, Barcelona numëron 13 pikë po aq sa Reali.