Zbardhen kriteret e reja për mësuesit e parashkollorit
Pas rikonstruksionit total, një investim prej 200 milionë lekësh nga buxheti i shtetit, Materniteti i Korçës është gati të hapë dyert brenda këtij viti. Lajmin e mirë e dha vetë ministrja e Shëndetësisë, Ogerta Manastirliu, gjatë inspektimit të punimeve të kryera deri më tani. "Ne kemi lançuar politikën tonë më të re për sa i përket mbështetjes për fëmijët, të cilët do të lindin nga 1 janari i vitit 2019. Ne jemi duke punuar gjithashtu nga pikëpamja e kujdesit shëndetësor për nënën dhe fëmijën në të gjithë vendin. E kemi thënë dhe do të vazhdojmë të bëjmë që kujdesi i nënës dhe fëmijës mbetet prioritar për qeverinë. Ne përfundojmë një investim shumë të rëndësishëm në Korçë, maternitetin e ri të Korçës dhe brenda këtij viti ai do të vendoset në funksion". Materniteti i ri i Korçës sapo ka përfunduar rikonstruksionin dhe pritet të pajiset me aparatura të teknologjisë së lartë, për të nisur funksionimin brenda këtij viti. Ministrja Manastirliu deklaroi se ky nuk është i vetmi investim në Shtëpitë e Lindjes. "Po përfundon investimi i rëndësishëm për maternitetin e ri të Sarandës. Vijojmë me investime të munguara ndër vite, në maternitetin e Beratit, të Lezhës, të Kukësit, Matit, Pogradecit, etj., me synim që shërbimi për nënën dhe fëmijën të jetë cilësor dhe afër vendbanimit", tha Manastirliu. Materniteti i ri i Korçës do të ketë 45 shtretër, dy salla operacioni, dy salla lindjeje, Repartin e Neonatologjisë, Reanimacionit, etj. dhe i shërben një popullate prej 270 mijë banorë.