Meta me Guterres: Shqipëria, rol të rëndësishëm në rajon
“Ambicia për anëtare e Këshillit të Sigurimit për vitet 2022- 2023”
Presidenti i Republikës, Ilir Meta, gjatë pjesëmarrjes në punimet e Asamblesë së Përgjithshme të Organizatës së Kombeve të Bashkuara u prit dje në një takim të veçantë nga Sekretari i Përgjithshëm i OKB- së, António Guterres.
Presidenti vlerësoi lidershipin e Guterres në përpjekjet e tij për të reformuar Organizatën e Kombeve të Bashkuara dhe për të avancuar Axhendën 2030. Gjatë takimit, Meta e siguroi Sekretarin e Përgjithshëm se Shqipëria i mbetet besnike parimeve themelore të Organi- zatës dhe mbështet diplomacinë parandaluese në dobi të paqes, sigurisë, zhvillimit të qëndrueshëm ekonomik dhe mbrojtjes së të drejtave të njeriut. Presidenti Meta nënvizoi qëllimin kombëtar të Shqipërisë për t’u anëtarësuar në BE dhe rëndësinë që i gjithë rajoni, në frymën e integrimit të tij europian, të forcojë bashkëpunimin rajonal. “Shqipëria - nënvizoi Presidenti Meta,- po luan një rol të rëndësishëm konstruktiv në rajon dhe ambicia e saj për të qenë anëtare e Këshillit të Sigurimit për vitet 20222023 do të jetë vazhdimësi e kontributit të saj në interes të paqes e sigurisë rajonale e globale dhe një zë përfaqësues i rajonit tonë në këtë organizatë të rëndësishme”. Edhe Sekretari i Përgjithshëm Guterres e vlerësoi rolin shumë të rëndësishëm të Shqipërisë në rajonin e Ballkanit Perëndimor dhe e siguroi Presidentin Meta për mbështetjen e projekteve zhvillimore në Shqipëri dhe në rajon.
TAKIMET Gjatë vizitës së tij në Shtetet e Bashkuara të Amerikës, Ilir Meta është takuar dhe me drejtuesit Organizatës Panshqiptare, “Vatra”. Kreu i shtetit ka thënë se i ka falënderuar përfaqësuesit e shoqatës “Vatra” për mbështetjen që i kanë dhënë Shqipërisë për çështjen shqiptare. “Kënaqësi të takohesha dhe të bisedoja me drejtues, përfaqësues dhe kryetarë të disa degëve në SHBA të Organizatës Panshqiptare ‘ Vatra’ dhe t’i falënderoja për mbështetjen e Shqipërisë dhe çështjes shqiptare”, shkruan Meta në faqen e tij të “Facebook”. Po dje, Meta ka takuar dhe Harry Bajraktarin, të cilin e ka quajtur si veprimtarin e palodhur të çështjes shqiptare.