Zbardhet urdhri për taksën e pronës, nis mbledhja e tapive për apartamentet
Çmimet fiskale për 32 zonat e kr yeqytetit, shembulli sa do paguhet për apartamentet e reja dhe ato të ndërtuara para 1993
Nga 1 janari i vitit të ardhshëm nis zbatimi i taksës së pronës, sipas llogaritjes së re. Për zbatimin e taksës së pronës, hyri në fuqi urdhri i përbashkët i ministrave të Financave Ahmetaj dhe ministres së Drejtësisë Gjonaj për mbledhjen e të dhënave të shtëpive që do të shërbejnë si bazë të dhënash për llogaritjen e taksës.
Urdhri parashikon shkëmbimin e të dhënave për shtëpitë mes zyrave të Hipotekës dhe Agjencisë së Legalizimit. Baza e të dhënave, apo siç njihet ndryshe kadastra fiskale, do të shërbejë për llogaritjen e taksës së shtëpive. " Në kuadër të krijimit të regjistrit të bazës së të dhënave për llogaritjen e taksës vendore të pasurisë së paluajtshme ' ndërtesë', Zyra e Regjistrimit të Pasurive të Paluajtshme, Agjencia e Legalizimit Urbanizimit dhe Integrimit të Zonave/ Ndërtimeve Informale dhe Drejtoria e Përgjithshme të Taksës së Pasurisë, të realizojnë shkëmbimin e informacionit mbi pasuritë e paluajtshme të regjistruara, pasuritë e paluajtshme të legalizuara dhe në proces legalizimi ose jo, si dhe informacionin e plotë mbi tjetërsimin e tyre. Zyra e Regjistrimit të Pasurive të Paluajtshme të vendosë në dispozicion të Drejtorisë së Përgjithshme të Taksës së Pasurisë dhe të mundësojë marrjen e vazhdueshme të tyre brenda çdo tremujori të dhënat identifikuese të pasurisë ( zona kadastrale, numri i pasurisë, adresa, volumi, faqja etj.), për- shkrimin e pasurisë ( sipërfaqja e ndërtuar, lloji i pasurisë etj.), pronësinë ( emri/ at i/ e pronarëve), si dhe në mënyrë specifike vlerën e transaksionit dhe datën e kryerjes së tij në rastin e shitblerjes së pasurisë", thuhet në urdhrin e përbashkët të dy ministrave. Metodologjia e miratuar nga qeveria përcakton që taksa të jetë 0,05 për qind e vlerës së shtëpive, e llogaritur sipas çmimeve fiskale. Për apartamentet e ndërtuara para vitit 1990, vlera e shtëpisë do të llogaritet me 70 për qind të çmimit fiskal të zonës ku ndodhet apartamenti.
LEGALIZIMET Kush ka një shtëpi të legalizuar apo edhe ato familje që kanë shtëpitë në proces legalizimi do të paguajnë taksën e pronës. Urdhri i ministrave të Financave dhe Drejtësisë përcakton mbledhjen e të dhënave edhe për këto kategori ndërtimesh. "Agjencia e Legalizimit Urbanizimit dhe Integrimit të Zonave/ Ndërtimeve Informale të vendosë në dispozicion të Drejtorisë së Përgjithshme të Taksës së Pasurisë të dhënat që disponon mbi pasuritë e paluajtshme ' ndërtesë' për qëllim të taksës së pasurisë dhe të mundësojë marrjen e tyre. Informacioni i mësipërm t'i vihet në dispozicion Drejtorisë së Përgjithshme të Taksës së Pasurisë nga Zyra e Regjistrimit të Pasurive të Paluajtshme dhe Agjen- cia e Legalizimit Urbanizimit dhe Integrimit të Zonave/ Ndërtimeve Informale në format elektronik kur ai disponohet për një pasuri ose në rrugë shkresore", citohet në dokument. Metodologjia e qeverisë përcakton se nëse shtëpia e legalizuar është jashtë qytetit apo zonës rezidenciale, taksa do të llogaritet me zbritje. Për shtëpitë e legalizuara, vendndodhja e të cilave është jashtë qytetit të Tiranës, do të paguajnë taksë 30 për qind më pak, ndërsa për rrethet zbritja është 35 për qind. Ulja e taksës për shtëpitë e legalizuara përcaktohet në pikën 3, të nenit 2 të vendimit të metodologjisë për përcaktimin e vlerës së taksueshme.