Skënderbeu thyhet në javën e 6, e mund ish- kapiteni
Kukësi likuidon Luftëtarin në “Elbasan Arena”, Flamurtari feston me “poker”
Teuta ka mposhtur Skënderbeun me rezultatin 2- 0 në supersfidën e vlefshme për javën e 6 të Kategorisë Superiore.
Një përballje emocionuese dhe me raste të shumta shënimi. Në minutën e 41- të, Kamara fiton një penallti ndaj Kaba Sambou, i cili ndëshkohet me kartonin e dytë të verdhë, duke lënë skuadrën e Shehit me 10. Latif tregohet i saktë nga pika e bardhe e penalltisë duke dërguar të tijtë në dhomat e zhveshjes në avantazh. Korçarët u munduan të reagonin në pjesën e dytë, por pa arritur të gjejë rrugën e rrugën e rrjetës. Teksa Ditmar Bicaj, vulosi takimin me golin e tij të shënuar në minutën e 65- të. Humbja e parë për korçarët në këto javë të para të kampionatit, teksa është pikërisht një korçar që ia shkakton, Bledi Shkëmbi. FLAMURTARI
KASTRIOTI Flamurtari arriti një fitore të pastër ndaj Kastriotit në shtëpi, pas dy humbjeve në dy ndeshjet e fundit. Ekipi i Dajës, fitoi me shifrat 4- 0, duke mos i vënë në diskutim 3 pikët. Ndeshja nisi që në minutën e parë me hyrjen e ambulancës në fushë, pasi mbrojtësi Sirgi u dëmtua në nofull nga një goditje e Atsinës. Me kalimin e lojës, vlonjatët filluan të tentojnë, dhe ai që zhbllokoi shifrat ishte Bushiç, në minutën e 24- t, pas një mosmarrëveshje të mbrojtjes krutane. Në të 38- n, ishte radha e Torasës për të gjetur golin e parë me fanellën kuqezi, ku shënoi pas një depërtimi mjaft të mirë nga krahu i djathtë i Hysenit. Më pas, në pjesën e dytë shënoi edhe Batha me kokë, pas një goditje këndi, në minutën e 68të, ndërsa Torasa gjeti golin e dytë personal, pas një aksioni mjaft të bukur në minutën e 85të. Kështu, vlonjatët rikthehet të marrin 3 pikë në kampionat, dhe ngjiten në kuotën e 10 pikëve, ndërsa Kastrioti i Plorit u duk i pafuqishëm për t'i bërë ballë vlonjatëve. KUKËSI- LUFTËTARI Kukësi ka mposhtur Luftëtarin me rezultatin 1- 0 në takimin e zhvilluar në "Elbasan Arena". Goli i Rexhinaldos me 11- metërsh në minutën e 49- të i siguroi fitoren skuadrës së Cungut. Një triumf i vuajtur për verilindorët, të cilët u kërcënuan herë pas here nga skuadra e Mezanit. Duhet të theksuar se skuadrës gjirokastrite iu mohua një penallti në minutën e 57, teksa Cuculi preku topin me dorë. Po gjyqtari i takimit nuk ishte i këtij mendimi. Me këtë fitore, Kukësi u ngjit në kuotën e 13 pikëve, duke ndarë vendin e parë me Partizanin. Ndërkohë që Luftëtari mbyll fundin e tabelës me 3 pikë.
KAMZA- LAÇI Laçi ka arritur të fitojë ndeshjen e javës së gjashtë ndaj Kamzës. Një gol në limite i Shtubinës, ka vendosur fatet e takimit, të luajtur pa tifozë në Kamzë. Pjesa e parë ishte e qetë dhe pa shumë raste, por me ekipin e Duros që pati më shumë epërsi territoriale në mesfushë. Edhe në të dytën, vendasit provuan më shumë, edhe me talentin Niko Zisi, por pa patur saktësinë e duhur para portës. Ndeshjen e vendosi Shtubina, me një gol në sekondat e fundit me kokë, pas krosimit fantastik të Hadroj. Kështu, Laçi vazhdon të mbetet pa humbje në Superiore, e vetmja, dhe me këtë 3 pikësh, ngjitet në vendin e katërt në kuotën e 10 pikëve.