RAMA E RRAJA NE FUSHATE ( MAJTAS) DRITAN ZAGANI E EMILJANO NUHU JASHTE VENDIT DHE FAKSIMILJA E PROCESVERBALIT TE PYETJES SE OFICERIT ÇITOZI
“Vëllai i deputetit, me precedentë penalë, në vitin 1997 kreu sulm me armë bashkë me Rrahman Rrajën”
Ish- oficeri i Policisë, Emiljano Nuhu, ka folur ditën e djeshme në emisionin “Kjo Javë” në “News 24”, ku i është përgjigjur akuzave të Policisë së Shtetit dhe SHÇBA- së në lidhje me largimin e tij të paligjshëm nga Shqipëria dhe me kryerjen e veprimeve të dosjes hetimore të dhunimit të shtetases Xhisela Maloku nga djali i deputetit të PS- së, Rrahman Rraja.
Nuhu tha se më datë 21 korrik, ndryshe nga sa thotë Policia dhe SHÇBA, ka qenë ai që ka kryer veprimet e dosjes hetimore të dhunimit të shtetases Maloku dhe pasi u kërcënua, dosja kaloi në duart e Gentian Çitozit. Ai sqaron se dosja iu rikthye atij nga Prokuroria e Krujës, pasi askush nuk merrte përsipër të vazhdonte më tej hetimet, pas tërheqjes së denoncimit nga vajza. Nuhu ka thënë se ka pamje filmike që ai ka qenë në detyrë dhe se akuzon drejtuesen e SHÇBA- së se kërkon të manipulojë kamerat e sigurisë. Ai gjithashtu u qëndron deklarimeve të tij për deputetin Balla dhe thotë se e ka kaluar kufirin në mënyrë të ligjshme. Nuhu gjithashtu zbulon edhe e- mailin që i ka dërguar Ardi Veliut dhe Ministrisë së Brendshme për kërcënimet dhe nuk mori asnjë përgjigje.
LETRA
Përshëndetje: I nderuar z. Drejtor i Përgjithshëm i Policisë së Shtetit Unë nënkomisar Emiljano Nuhu, me detyrë specialist për krimet në Stacionin e Policisë në Fushë- Krujë, në Komisariatin e Policisë Krujë, në Drejtorinë Vendore të Policisë Durrës, nisur nga kërcënimi me jetë që më është bërë për shkak të detyrës nga shtetasit, Redjan Rraja dhe Ramazan Rraja, në datë 30.07.2018, ju lutem z. Drejtor për mirëkuptimin tuaj, duke ju kërkuar transferimin tim pranë Drejtorisë Vendore të Policisë Tiranë, në çdo lloj strukture shërbyese të Policisë së Shtetit, pasi ndihem më i sigurt dhe më pranë familjes për ta mbrojtur. Duke marrë parasysh faktin që këta persona janë kontingjent dhe me tendenca të theksuara kriminale në vendosjen e lëndëve eksplozive në automjete dhe banesa. Të pushtetshëm, impulsivë, lëvizin gjithmonë të armatosur, nuk goditen nga strukturat e Policisë lokale, ndiehem i rrezikuar edhe për faktin që kërcënimi është bërë publik në median sociale dhe atë të shkruar. Familja ime për shkak të kërcënimit, që është bërë, ka kaluar në një gjendje shoku psikologjik dhe për këtë arsye nuk guxojnë të dalin nga shtëpia, vë në dukje faktin që jam babai i një vajze njëvjeçare, për të cilën kam përgjegjësinë të kujdesem. Dua të theksoj se kam punuar gjithmonë me përkushtim dhe me vullnet për të arritur dhe realizuar objektivat në punën e Policisë së Shtetit. Dua të theksoj gjithashtu se kam punuar rreth gjashtë vite në sektorin e Agjentëve në Mbulim dhe të Infiltruar, duke kryer shumë operacione me rrezikshmëri të lartë ku janë goditur grupe kriminale në trafikun e drogës, armëve dhe qenieve njerëzore, por nuk jam dekonspiruar asnjëherë dhe nuk janë arritur asnjëherë të më kërcënojnë me jetën time apo të anëtarëve të familjes, siç u arrit kërcënimi që më bëjnë shtetasit e mëposhtëm. Shtetasi Ramazan Rraja ( djali i vëllait të deputetit) është i dënuar për dy vepra penale “Vrasje e mbetur në tentativë, plagosje e lehtë, mbajtje e armëve luftarake” dhe i dyshuar për disa vepra penale në zonën e Krujës “vendosje lëndëve eksplozive”, nga informacionet e marra nga burime kofindenciale ky shtetas lëviz gjithmonë me armë në zonën e Krujës. Shtetasi Xhelal Rraja është i dënuar për plagosjen e një polici të Komisariatit të Krujës në vitin 1998. Në vitin 2004 është person i shpallur në kërkim, por nuk ka të dhënë për shpalljen në kërkim të tij. Në vitin 2017, është dënuar për veprat penale “Plagosje e lehtë më dashje, mbajtja pa leje e armëve dhe municioneve luftarake”. Nga informacionet e mara nga burimet konfidenciale, ky shtetas është i dënuar për vendosjen e tritolit në automjetin e inspektorit të Rendit në Komisariatin e Krujës dhe disa ngjarje të tjera të pazbardhura, gjithashtu, nga informacionet që janë marrë në rrugë operative, rezulton se ky shtetas merret me kultivimin dhe trafikimin e bimëve narkotike, lëviz gjithmonë i armatosur me armë, për shkak se është vëllai i deputetit, vëllai i oficerit që punon në Komisar- iatin e Krujës dhe ka lidhje miqësore me disa prej oficerëve që punojnë në Komisariatin e Krujës, është shumë e vështirë ose e pamundur, që ai të ndalohet dhe të kapet nga strukturat e Komisariatit të Policisë në Krujë. Shtetasi Redjan Rraja është i dënuar për veprën penale “veprime që pengojnë zbulimin e së vërtetës”, pasi në datë 01/ 05/ 2016, ditën që është ekzekutuar shtetasi Elton Çiço ka qenë prezent në lokal dhe ka fshehur armën e viktimës.
INTERVISTA
Ka bërë shumë bujë intervista juaj z. Nuhu, kanë ndodhur një sërë ngjarjesh, një sërë zhvillimesh pas deklaratës suaj të fortë. Si i keni ndjekur zhvillimet e fundit?
I kam ndjekur të gjitha zhvillimet e fundit, ku nuk del asnjë nga ato që kam thënë unë, po mundohen të manipulohen nga institucionet që ka në dorë pushteti. Dhe politika mundohet të hedhë baltë në ato çfarë unë deklaroj.
Unë dua t’i referohem fillimisht datës 21 korrik. Ku ju pretendoni se gjithçka ka ndodhur në Komisariat. Mirëpo, në reagime, deklaratat e fundit, si ajo e SHCBA- së, ju nuk rezultoni fare në detyrë në datën 21 korrik. Si e provoni ju dhe çfarë keni për të thënë
Asaj që kam deklaruar për datën 21 korrik i qëndroj dhe është e vërtetë. Pse drejtoresha e SHKB- së nuk publikon pamjet filmike të datës 21, por mundohet, se nuk ka gjetur labo- rator për t’i modifikuar dhe pret derisa t’i modifikojë dhe t’i nxjerrë. Këtë pret drejtoresha? Dhe më ngre disa akuza që nuk qëndrojnë. Kalimi i paligjshëm i kufirit, nga ana ime, nuk ekziston.
Dua të qëndroj te data 21, ju vetë si e provoni se keni qenë në Komisariat. A keni ju prova? Sepse çështja ka shkuar në Gjykatë tani. Z. Balla ka bërë kallëzim penal ndaj jush dhe personave të tjerë. Ju vetë si e provoni se keni qenë në Gjykatë.
Unë kam prova për ta provuar, por vetëm në Gjykatë do t’i dorëzoj këto prova që kam për të provuar praninë e njerëzve që kam përmendur dhe që kanë qenë në Komisariat. Pavarësisht se institucionet po mundohen që t’i manipulojnë me të gjitha mundësitë dhe hallkat shtetërore që ato kanë.
Ju e mohoni faktin që çështjen në fjalë e keni marrë në datë 27 korrik. Sepse në datën 21 ka qenë një tjetër oficer policie, i cili është pezulluar.
Në datën 27 është bërë urdhri i delegimit për vazhdimin e hetimit nga ana ime. Më është deleguar dosja nga Prokuroria, kurse në datën 21, unë kam kryer veprime jo të deleguara me urdhër, por të deleguara me anë të telefonit, janë kryer veprimet hetimore. Dhe unë nuk kam arritur t’i kryej
këto veprime hetimore për shkak të kërcënimit që kam denoncuar. Që u kërcënova në zyrën time nga personat që unë kam përmendur dhe i përmend përsëri. Dhe ky ishte shkaku që erdhi oficeri tjetër dhe vazhdoi veprimet hetimore të datës 21. Kur i keni kryer këto veprime, për të qenë më konkretë?
Në datën 21 veprimet e mia u ndërprenë për shkak të ndërhyrjes së deputetit Rrahman Rraja, Taulant Ballës dhe kryetarit të bashkisë, që më kërcënuan brenda në zyrën time. Nuk arrita dot të bëja më veprime dhe në datën 21 veprimet i kaluan oficerit Gentian Çitozi. Unë kam vazhduar hetimet, pasi Prokuroria m’i delegoi me urdhër delegimi në datën 27, sepse asnjë oficer nuk i mori përsipër për t’i kryer ato hetime. Unë pranova t’i merrja përsëri përsipër dhe në datën 30 u kërcënova përsëri, që kam bërë kallëzim në Komisariatin nr. 6.
Z. Nuhu, në respekt të të gjithë atyre që janë të prirur për t’ju besuar për gjithçka që ju thoni, ju lutem a mund të jepni apo mund të shfaqni disa detaje rreth personave që kanë qenë në Komisariat në datën që ju pretendoni. Flasim këtu për deputetin Balla, për z. Bushi dhe persona të tjerë që keni përmendur. Mund të ndani me mua ndonjë detaj që ata vërtet kanë qenë në Komisariat, edhe pse provat i keni lënë për një hap të dytë, për në Gjykatë.
Ata kanë qenë në Komisariat dhe detaji që unë kam nga zyra ime janë fjalët e tyre që ata më kanë thënë me ironi, që janë shprehur nga deputeti Taulant Balla dhe Artur Bushi që: “Hiqe pistoletën nga koka e oficerit, se nuk i bën oficeri këto gabime” dhe kam qenë nën trysninë e armës së zjarrit brenda zyrës time. Presioni psikologjik që kam pasur në ato momente ishte shumë i madh dhe nuk më linte mua mundësi, i vetëm në zyrë, të kapja detaje të shumta përballë 4- 5 personave që kisha përballë. I pari, mesa më kujtohet, ka hyrë deputeti Rrahman Rraja, ka qenë i pari që ka hyrë në zyrë. Pastaj të tjerët me radhë. Dhe më agresiv nga të gjithë personat që kanë qenë brenda, ka qenë vëllai i deputetit Xhelal Rraja. Ai ka qenë më agresiv, për shkak të veprimeve kriminale që ka kryer gjatë gjithë kohës dhe është person me precedentë të theksuar kriminalë, i dënuar për disa vepra penale. Njihet nga të gjithë në zonë çfarë përfaqëson. Njihet nga strukturat e Policisë, pavarësisht se nuk marrin guximin të shprehen. Ai person ka hyrë i armatosur në zyrën time me armë pa leje. Një person me 3- 4 vepra penale. Dua të theksoj se shtetasi Xhelal Rraja në 1997– 1998 së bashku me vëllain e tij ka shkëmbyer zjarr me një punonjës policie të Stacionit të Policisë FushëKrujë dhe do të shpjegoj faktin tjetër që deputeti ka ngelur i plagosur në ato vite dhe prandaj qëndron gjithmonë me syze, edhe polici ka ngelur i plagosur. Këta çfarë përfaqësojnë njerëz intelektualë brenda Parlamentit të Shqipërisë, janë njerëz me precedentë kriminalë.
Në datën 15 shtator ju jeni larguar nga Shqipëria, përmes aeroportit të Prishtinës z. Nuhu, por ju nuk rezultoni në sistemin TIMS, as të Shqipërisë dhe as të Kosovës. ..
Unë jam larguar në datën 12 rreth orës 23: 30 kam kaluar në pikën e kalimit kufitar në Morinë. Dhe kam kaluar me automjet. Dhe aty dokumentet e identifikimit ia kemi dhënë një punonjësi policie kosovar. Që i ka parë dhe i ka regjistruar ai ç’ka parë të arsyeshme, sipas procedurave ligjore që zbaton pika e kalimit. Pika e kalimit është e mbikëqyrur me kamera, mund të shkojë drejtuesja e SHKB- së t’i marrë, t’i shohë që unë kam kaluar aty në mënyrë të ligjshme, jo të paligjshme.
Z. Nuhu unë dua t’i rikthemi përsëri datës 21. Pasi ndodhi ajo që ju pretendoni, me kë folët për këtë gjë? Për deputetin Taulant Balla, për kërcënimin që keni marrë?
Fola me drejtuesin tim të Komisariatit dhe prokuroren e gatshme, me këta dy persona kam komunikuar atë ditë. Më pas, në datën 3 gusht kam vënë në dijeni drejtorin e përgjithshëm të Policisë dhe ministrin e Brendshëm për problemin dhe në datën 14, përsëri e kam vënë në dijeni me e- mail po asnjë reagim nuk ndodhi nga këto institucione. Pse s’i përmend zv/ drejtoresha në deklaratën e saj dy e- mailet që unë i kam nisur drejtorit të përgjithshëm të Policisë dhe Ministrisë së Brendshme?