Meta kundër ndryshimit të kufijve: Do hapte Kutinë e Pandorës
“Aktorë të tretë përpiqen të nëpërkëmbin stabilitetin në rajon”
Presidenti Meta kërkon stabilitet dhe siguri në rajon, ndërsa e sheh debatin për korrigjimin e kufijve mes Kosovës dhe Serbisë si çelësin që do të hapte Kutinë e Pandorës.
Gjatë vizitës së tij në Uashington, presidenti Meta ka qenë i ftuar nderi i Qendrës së Analizave Politike Europiane ( CEPA) në Universitetin "John Hopkins" ku merrnin pjesë diplomatë, ambasadorë, analistë dhe studiues politikë diplomatë, studentë, etj.. Gjatë eventit, Meta ka mbajtur edhe një fjalë ku edhe ka komentuar zhvillimet në rajonin e Ballkanit. Sipas tij, faktori shqiptar, ka qënë një katalizator jetik për hapësirën e kufijve të NATO- s dhe BE- së në rajon, ndërsa një ndryshim i mundshëm kufijsh mes Kosovës dhe Serbisë do të hapte kutinë e Pandorës. "Mendoj se propozimi më i fundit për të hapur një debat të ri, mbi atë çfarë do të përbënte një marrëveshje përfundimtare për normalizimin e marrëdhënieve mes Kosovës dhe Serbisë, është kohë e çuar dëm, në kuptimin më të mirë të fjalës, si dhe do të përbënte çelësin e hapjes së Kutisë së Pandorës, në kuptimin më të keq të saj. Hapja e një debati të tillë në një kohë kur po valëviten lart flamuj të kuq paralajmërues nga SHBA- të dhe BE- ja rreth përfshirjes së aktorëve të tretë, të cilët përpiqen të nëpërkëmbin stabilitetin dhe sigurinë në rajon, e bëjnë atë edhe më alarmues", u shpreh Presidenti i Republikës. Sipas kreut të shtetit, dialogu Kosovë- Serbi duhet të normalizojë marrëdhëniet mes dy vendeve dhe të zhbëjë çfarë është arritur deri tani. "Qëllimi i këtij dialogu ishte të lehtësonte normalizimin e marrëdhënieve mes dy shteteve, në përputhje dhe i mbështetur në këtë realitet; jo për ta zhbërë dhe as për ta ndryshuar atë. Kjo marrëveshje duhet të respektojë vlerat dhe parimet e Bashkimit Europian, të mundësojë shkëputjen nga e kaluara si dhe të mishërojë energji pozitive që inkurajojnë bashkëjetesën dhe harmoninë ndëretnike. Do të ishte e paimagjinueshme që ky dialog të prodhonte një marrëveshje, e cila do të ndryshonte kufijtë sipas vijave etnike, duke shkuar kundër të gjithë konceptit të BE- së, ashtu siç e njohim ne", u shpreh Presidenti Meta. Ndryshimi i kufijve, sipas kreut të shtetit, është një çështje që lid- het me jetën e popujve dhe jo një korrigjim kompjuterik në hartë. "Kufijtë nuk janë çështje përkufizimi dhe shënimi të hartës; për ta bërë atë gjë do të mjaftonte thjesht një kompjuter. Kjo çështje ka të bëjë me popujt dhe jetën e tyre të përditshme, me pronën e tyre, historinë e tyre, kujtimet e së kaluarës dhe varret e të parëve të tyre si dhe me krenarinë e tyre. Marrëveshjet që ndryshojnë kufirin nuk janë çështje e përkufizimit të tyre; ato janë një çështje e zbatimit të tyre", u shpreh kreu i shtetit.