Vrasës apo hero, Gëzim Kame, një seancë gjyqi në skenën e “arTurbinës”
Publiku duhet të “vendosë” nëse një pilot, që sakrifikon 164 civilë për të shpëtuar 70 mijë të tjerë, është ose jo fajtor
“Jemi drejtpërdrejt nga Gjykata ku pritet të fillojë gjyqi i shekullit ndaj pilotit ushtarak, i cili me gjakftohtësinë më të madhe vrau 164 pasagjerë civilë për të shpëtuar 70 mijë të tjerë.
Ky gjyq ka një risi të veçantë: votimin në sallë të publikut, për shpalljen ose jo fajtor të të pandehurit”, raporton gazetari para dyerve të Gjykatës, ndërkohë që mbërrin edhe automjeti që shoqëron të pandehurin dhe avokaten e tij. “Si e mendoni veten: vrasës apo hero?”. Kjo është pyetja, që i drejtohet pilotit. “Vrasës apo hero?!”, kjo është pyetja që do t’i bëhet të pranishmëve në sallën e gjyqit. “Vrasës apo hero?!”, kjo është dilema që do të ndjekë shikuesin në sallën e “arTurbinës”, në shfaqjen më të re, që do të ngjitet në këtë skenë nga regjisori Gëzim Kame. Në datat 5,6,7 tetor, ora 20: 00, në skenën e “arTurbinës” do të ketë premierën vepra “Terror”, shkruar nga autori gjerman Ferdinand von Schirach, veprat e të cilit marrin shkas nga histori reale, nga raste për zgjidhje në zyrën e tij të avokatisë.
VEPRA Regjisori Gëzim Kame, i cili ka një tërheqje të veçantë ndaj dramave psikologjike, na fut jo vetëm në labirintet e mendjes njerëzore, por edhe na vë përballë asaj fijes gati të padukshme që ndan të drejtën nga e padrejta, të mirën nga e keqja, subjektivitetin dhe relativitetin që shoqëron çdo vendim të marrë. Nëse 70 mijë spektatorët e stadiumit, që rrezikonin të shuheshin, e konsiderojnë pilo- tin një hero, familjarët e atyre 164 civilëve të pafajshëm, që u sakrifikuan në emër të shpëtimit të mijëra të tjerëve, e konsiderojnë atë, padyshim, kriminel. Për shkak të kësaj zgjedhjeje, i pandehuri rrezikon të dënohet me burgim të përjetshëm. E gjithë vepra vërtitet rreth pikëpyetjes: “Vrasës apo hero?!”, e cila përfshin emocionalisht dhe bën pjesë të saj gjithë publikun.
Për të sjellë në skenë këtë vepër, Kame ka përzgjedhur
Autor: Regjia: Skenografia: Shqipërimi: Interpretojnë:
Ferdinand von Schirach Gëzim Kame Kristo Çala Lekë Imeraj Viktor Zhusti, Lulzim Zeqja, Eva Alikaj, Yllka Mujo, Astrit Hasani
Skena:
“arTurbina”
“TERROR”
një kast aktorësh, nga më të mirët. Në rolin e pilotit ushtarak do të jetë aktori Lulzim Zeqja, të cilin e kemi parë viteve të fundit në një mori karakteresh, gjithnjë në rritje. Në rolin e avokates së tij është aktorja Yllka Mujo, e cila gjatë karrierës së saj ka ditur të na habisë me rolet e saj thellësisht dramatike, por edhe ato komike. Me një ftohtësi të “huazuar” nga Austria, ku ajo kalon gjysmën e kohës së saj, Eva Alikaj, është përzgjedhur të interpretojë rolin e prokurores së çështjes. Gjyqtari i çështjes, ai që në fund do të godasë çekiçin dhe do të ndajë vendimin është Viktor Zhusti. Kame ka huazuar edhe një aktor nga trupa e Fierit, Astrit Hasanin, në rolin e reporterit. Shfaqja është mbështetur financiarisht nga Ministria e Kulturës dhe Bashkia e Tiranës.