Thaçi: Pakti me Serbinë duhet tani ose bëhet pas një dekade
Presidenti i Kosovës: Na presin status quo dhe konflikte të ngrira
Presidenti i Kosovës, Hashim Thaçi, thotë se sheh vetëm një shans të vogël për një marrëveshje kufitare me Serbinë, i cili duhet të shfrytëzohet shpejt, përndryshe mund të kalojë një dekadë tjetër deri kur të vijë një shans për zgjidhje.
Deklarata e Thaçit u bë pas bisedimeve mbi Ballkanin Perëndimor në Gjenevë, të martën. Sipas Thaçit, një marrëveshje për një paqe të qëndrueshme mes dy vendeve, duke përfshirë edhe përcaktimin e 400 kilometrave të kufirit, do të hapë rrugën për prosperitet dhe lidhje më të ngushta me Bashkimin Europian, si dhe njohjen e plotë ndërkombëtare për Kosovën. "Edhe pse shanset janë shumë të pakta, ka ende një moment të mirë, një dritare e mirë për të arritur një marrëveshje historike midis dy shteteve tona. Unë e kuptoj se ka kritikë, por përgjigja ime është se nëse e humbim këtë moment, ne rrezikojmë të hyjmë në një dekadë tjetër të perspektivës së paqartë, të konflikteve të ngrira dhe status quo- s", deklaroi ai. Thaçi ka propozuar idenë e korrigjimit të kufijve, që, sipas tij, do të thotë se Kosova duhet të marrë Luginën e Preshevës që ndodhet brenda territorit të Serbisë dhe ku jetojnë shqiptarë. Por ai këmbëngul se nuk ka asgjë tjetër që fshihet në këtë mes. Propozimi i tij është "përkthyer" në Kosovë dhe vende të tjera të rajonit dhe botës, si dakordim me Presidentin serb, Aleksandar Vuçiç, për ndarjen e Kosovës. Ideja e serbëve për zgjidhje me Kosovën ka qenë gjithnjë marrja e pjesës veriore të Mitrovicës, ku banojnë shumicë serbe dhe ku ndodhen dy pasuri natyrore të Kosovës: Liqeni i Ujmanit dhe miniera e Trepçës. Ideja ka ngritur shumë paqartësi edhe në rajon. Shumë analistë dhe politikanë druhen se nëse kjo zgjidhje ndodh mes Kosovës dhe Serbisë, vende të tjera të Ballkanit dhe të botës do të kërkonin ndarje në vija etnike. Mes Kosovës dhe Serbisë, fati i fshatrave me shumicë serbe në veri të Kosovës është një nga çështjet kryesore të mosmarrëveshjes. Kosova shpalli pavarësinë nga Serbia më 17 shkurt të vitit 2008. Serbia nuk e ka pranuar kurrë pavarësinë e saj. Në Kosovë, forcat serbe, të drejtuara nga udhëheqësi i atëhershëm Sllobodan Millosheviç, kanë kryer krime të tmerrshme kundër popullsisë shqiptare. Gjenocidi mori fund kur forcat serbe u dëbuan nga bombardimet e NATO- s, në luftën e vitit 1999. Armiqësia ka mbetur ende në nivele të larta. Udhëheqës të të dy vendeve vijnë nga parti apo grupe, që kanë qenë pjesëmarrës në lid- ershipin e kohës së luftës. Kur u deklarua se një rast i tillë për zgjidhje mes Kosovës e Serbisë mund të vijë vetëm pas një dekade tjetër dhe se duhet shfrytëzuar, Thaçi po fliste në Forumin Ekonomik Botëror në Gjenevë, pas një takimi që përfshinte kryeministrat e Serbisë, Kroacisë dhe Shqipërisë, si dhe ministri i Jashtëm i Turqisë dhe ministrin e Mbrojtjes së Gjermanisë.