Nobelin për Fizikë e merr një shkencëtare femër, pas 55 vitesh
Për herë të parë në 55 vjet, çmimi Nobel për Fizikën i është dhënë një gruaje mbi ndërhyrjen me laser në studime biologjike. Bashkë me dy studiues të tjerë, Donna Strickland u vlerësua për punën e bërë në zbulimin e një metode ndërhyrjeje me laser në kërkimet biologjike që u konsideruan shumë të rëndësishme për panelin. Donna Strickland nga Kanadaja është vetëm gruaja e tretë fituese e çmimit. Veç saj ishin Marie Curie, e cila mori çmimin prestigjioz në vitin 1903, si dhe Maria Goeppoert- Mayer, e cila u shpërblye me çmimin në vitin 1963. Strickland e ndan çmimin e këtij viti me Arthur Ashkin nga SHBA dhe Gerard Mourou nga Franca. Ata morën vlerësimin për zbulimet e tyre në fushën e fizikës laser. Ashkin zhvilloi një teknikë laseri të përshk- ruar si piskatore optike, e cila përdoret për të studiuar sistemet biologjike. Mourou dhe Strickland zbuluan një mënyrë për të gjeneruar intensitet të lartë dhe impulse shumë të shkurtra laseri, të cilat kanë një shumëllojshmëri aplikimesh. Një nga këto është në kirurgjinë me laser në sy. Çmimi vlen një total prej nëntë milionë korona suedeze, që do të thotë rreth 1 milion dollarë. Duke reaguar për triumfin e saj, Strickland, nga Universiteti "Waterloo" në Kanada, tha se, "Para së gjithash duhet të mendoni se është çmenduri, pasi ky ishte mendimi im i parë. Dhe gjithmonë ju do të pyesni nëse është e vërtetë". Ndërsa në fund ajo falënderoi dy bashkëpunëtorët dhe theksoi se është fantastike që puna e tyre njihet dhe shpërblehet.