Hahn, Shkupit: Votoni marrëveshjen në Kuvend "Zgjedhjet e reja do të ishin stërzgjatje e rrugës drejt BE- së"
Eurokomisioneri për Politikë të Fqinjësisë dhe Zgjerim, Johannes Hahn, është deklaruar mbi situatën e paqartë politike në Maqedoni pas referendumit, se vendit nuk i nevojiten zgjedhje të parakohshme parlamentare, por duhet të shfrytëzohet mundësia të sigurohen dy të tretat e shumicës në Kuvend për zbatimin e Marrëveshjes së Prespës. Kjo marrëveshje ka lidhje me një kompromis mes qeverisë maqedonase dhe asaj greke për zgjidhjen e kontestit 27- vjeçar të emrit të republikës dhe hapjen e rrugës për anëtarësim në BE dhe NATO, ku Greqia deri tani ka vendosur veton për shkak të mospranimit, që fqinji i tyre të quhet Maqedoni, si një krahinë qe ndodhet brenda Greqisë, për arsye të potencialit mbi pretendime të mëvonshme territoriale dhe historike.
Në deklaratën për gazetën austriake "Kurir", Hahn ka dhënë porosi për Kryeminis- trin e Maqedonisë, Zoran Zaev. "Zgjedhjet e reja do të jenë stërzgjatje e rrugës drejt fillimit të negociatave për anëtarësim në BE, të planifikuara në verën e vitit të ardhshëm", ka thënë ai. Hahn theksoi se nuk mund të thuhet se referendumi ka qenë i pasuksesshëm. "E pazakontë është në referendum të mer- ret mbështetje prej 94 për qind, por të dalin vetëm 36.8 për qind e votuesve, edhe atë pasi opozita padyshim ishte e suksesshme në bojkotimin", tha eurokomisioneri. Sipas Hahn, në Kuvend mund të sigurohen dy të tretat e shumicës. "Nevojiten tetë apo nëntë vota nga opozita dhe kjo patjetër do të jetë e reali- zuar. Të gjithë thonë se duan anëtarësim në BE dhe NATO, duke përfshirë edhe opozitën dhe atëherë paguani çmimin e kësaj zgjidhjeje. Bëhet fjalë për zgjidhje që është në interes të vendit, jo të partive apo politikanëve", shtoi Hahn. Maqedonia gjendet në një periudhë shumë vendimtare pas referendumit të javës së kaluar. ? ryeministri Zoran Zaev, në intervistën e parë të dhënë pas referendumit, përsëriti se partitë qeveritare nuk duan zgjedhje, por nëse opozita tenton ta pengojë ardhmërinë e shtetit drejt BEsë dhe NATO- s për shkak të interesave personale, atëherë vendi do të jetë i detyruar të shkojë në zgjedhje.