Zgjedhjet në Bosnje, fokusi te Presidenca e serbëve

Votimi tregon nëse vendi shkon drejt BE- së apo thellon ndasitë

Boshnjakët votuan të dielën në zgjedhjet e përgjithshme që mund të vendosnin një nacionalist pro rus në një post të lartë dhe të forconin ndarjet etnike.

Vendi ballkanik u përball me një luftë brutale rreth 25 vjet më parë, nga e cila humbën jetën rreth 100 mijë njerëz. Votimi shihet si një provë, nëse Bosnja do të shkojë drejt integrimit në Bashkimin Europian dhe NATO- s, apo do të mbetet e ngulitur në rivalitetet e hidhura etnike, që rrjedhin nga lufta e 1992-' 95- s. Rreth 3.3 milionë njerëz kishin të drejtë të votonin për institucionet në sistemin kompleks të qeverisjes në Bosnje, i cili u krijua nga një marrëveshje paqeje, që përfundoi luftën. Vendi përbëhet nga dy minishtete rajonale; njëra serbe dhe tjetra me një entitet mysliman- kroat. Ata kanë institucione të përbashkëta në një qeveri qendrore. Po votohet për presidencën treshe boshnjake, presidentin serb dhe parlamentet e dy entiteteve, si dhe autoritetet e kantoneve. Fushata u dëmtua nga retorika përçarëse dhe pretendimet për parregullsi që nxitën tensionet. Rreth 11 veta janë arrestuar dhe po merren në pyetje nga autoritetet të dyshuar për blerje të votave. Në një shfaqje të pakënaqësisë së gjerë popullore me politikanët e Bosnjës, mijëra njerëz u mblodhën në protesta kundër korrupsionit të premten në Sarajevë dhe në qytetin kryesor serb të Banja Llukës. Serbët dhe kroatët e Bosnjës duan të lëvizin më pranë shteteve, ku kanë të afërmit e tyre etnikë, pra, në Serbinë dhe Kroacinë fqinje, ndërsa myslimanët duan ta mbajnë Bosnjën të bashkuar, sipas AP- së. Fokusi kryesor i këtyre zgjedhjeve ishte presidenca e Bosnjës për shkak të kandidaturës së liderit serb të linjës së ashpër, Milorad Dodik, i cili përkrah ndarjen e Republikës Serbe ( Srpska) nga Bosnja. Dodik gjithashtu është një aleat kyç në Ballkan i Presidentit rus Vladimir Putin dhe fitorja e tij do të nënkuptonte ndikim më të fortë të Rusisë. Ndërsa Perëndimi ka shpresuar se perspektivat e anëtarësimit në BE dhe NATO do të inkurajojnë vendet në Ballkan për të zgjidhur mosmarrëveshjet e tyre, që rrjedhin nga shpërbërja e ish- Jugosllavisë.

Koalicioni i Dodik shpreson të mbajë një kontroll të fortë mbi pushtetin në rajonin serb të Bosnjës. Ai u bëri thirrje votuesve që të zgjedhin një qeveri të kompletuar dhe të unifikuar, që do të ruajë unitetin e Republika Srpska, entitetin serb. "Sigurisht që pres një fitore, një fitore të madhe që do të mundësojë që të bëhet punë e rëndësishme për Republikën Srbska", tha ai. Për serbët, Mladen Ivaniç, kandidati opozitar, beson se do ta mundë Dodik.