“Je futur thellë”, Basha i përgjigjet Ramës: Dordolec

Kreu i PD: Do vijmë në pushtet përmes zgjedhjeve të lira

Kreu demokrat Lulzim Basha iu përgjigj dje në distancë kryeministrit, duke thënë se nuk i ka kërkuar kurrë pushtet në tavolinë Ramës.

"Partia Demokratike do të vijë në pushtet përmes zgjedhjeve të lira e të ndershme", u shpreh Basha dje para gazetarëve. Kryeministri Rama ka akuzuar ndërkaq kreun e PD, Basha se inskenimi me rastin e Fushë- Krujës e kanë vënë në një pozicion të vështirë që askush nuk e ndihmon dot. Përmes një postimi në" Twitter", Rama shprehet se nuk ecet në politikë me teatër, se e vërteta nuk vonon. "Nuk të vjen zëri dhe s'ke faj! E di dhe unë sa thellë je futur miku im, po s'të ndihmoj dot. Nuk ecet me teatër se ja si vjen puna, del një aktor i papaguar e të nxjerr cullak! Po me kamerat e komisariatit si i bëhet(?) se aty as Taulanti, as ai polici s'janë fare! Apo po fle ti tani?", shkruan Rama pas fjalës që mbajti në mbledhjen e Grupit Parlamentar Socialist, ku foli gjerë e gjatë për akuzat e opozitës në adresë të maxhorancës. Por nuk vonoi dhe përgjigjja e Lulzim Bashës përmes "Facebookut", përmes të cilit akuzon Kryeministrin se "shkruan, dirigjon, interpreton dhe u servir shqiptarëve përditë nga një shfaqje bajate, ku kriminelët janë heronj dhe ku krimi është virtyt". "Piktori i dështuar është zhytur në artin e telenovelave: shkruan, dirigjon, interpreton dhe u servir shqiptarëve përditë nga një shfaqje bajate, ku kriminelët janë heronj dhe ku krimi është virtyt. Shqipëria nuk ka më Kryeministër. Shqiptarët nuk kanë më qeveri që mendon e punon për ta dhe hallet e tyre. Në vend të sigurisë, punësimit e mirëqenies, tani e tutje shqiptarët do të kenë vetëm telenovela", shkruan Basha në" Facebook". Sipas tij, i gjithë shteti është vënë në shërbim të bandave dhe kriminelëve të lidhur me qeverinë. "Ndërkohë qeveria, Policia dhe Prokuroria punojnë çdo ditë për t'u garantuar sigurinë, qetësinë dhe paratë kriminelëve. Kreu demokrat Lulzim Basha iu përgjigj dje në distancë kryeministrit, duke thënë se nuk i ka kërkuar kurrë pushtet në tavolinë Ramës. Sepse Rama mendon dhe vepron vetëm për të mbrojtur kriminelët. Ndaj çirret e betohet nga mëngjesi në darkë për të mbrojtur Tahirin, Xhafajn, Ballën, Rrajën, Çyrbjen, Gjushin e kriminelët e lidhur me ta", shkruan Basha. Sipas tij, Edi Rama nuk është më Kryeministër, por vetëm një dordolec që krimi e tund përditë në publik për të kërcënuar dhe trembur shqiptarët. Por shqiptarët nuk tremben. Unë as trembem dhe as shantazhohem. Sepse nuk jam peng i krimit. Sepse kurrë nuk më ka lidhur asgjë me kriminelët. Sepse sado t'i mbrojë Rama kriminelët dhe mbrojtësit e tyre, ata të gjithë do të përfundojnë atje ku e kanë vendin", shtohet më tej në postimin e Bashës. Por kreu i maxhorancës nuk e ka lënë pa përgjigje reagimin e Lulzim Bashës. Përsëri përmes "Tëitterit", jo pa ironi, Rama i ka kujtuar kreut të opozitës që të japëshpjegime për Babalen, por dhe akuzat për Komisariatin e Fushë- Krujës. "Lëri reagimet trimërore si ato të kënduarat natën për të larguar gogolët! Ty s'të ka lidhur asgjë me kriminelët? Ti je artist! Tani tregoju shqiptarëve kush të lidhi me poetin Babale dhe kush e çoi nga zyra jote te gazetari?! Ah, mos harro kamerat e Krujës para se të flesh prapë!", shkruan Rama në" Tëitter" si reagim të dytë ndaj përgjigjes që Basha i bëri postimit të parë të Kryeministrit.