Hekurudha Durrës- Pogradec do të rehabilitohet

Kostoja totale për kthimin në punë, 52 milionë euro

Qeveria parashikon të rehabilitojë linjën hekurudhore Durrës- Elbasan- Pogradec. Kostoja totale për kthimin në punë të kësaj linje hekurudhore parashikohet në vlerën e 52 milionë eurove. Dje u prezantua studimi i realizueshmërisë për rehabilitimin e linjës hekurudhore, financuar nga fondet e Komisionit Europian, të mundësuara përmes Instrumentit të Investimeve për Ballkanin Perëndimor. Qeveria Shqiptare ka vendosur të vijojë me zhvillimin e projektit të rehabilitimit të të gjithë linjës hekurudhore dhe për këtë arsye ka bërë kërkesë së fundmi pranë WBIF për dy grante të tjera asistence teknike. I pari, për përgatitjen e projektit të zbatimit për segmentin prioritar nga Durrësi në Rrogozhinë dhe, i dyti, për përgatitjen e projektit paraprak, analizës kosto- përfitim dhe vlerësimit të ndikimit në mjedis dhe social të pjesës së mbetur, segmenti hekurudhor nga Rrogozhina - Pogradec, përf- shirë ndërtimin e linjës të re 2.8 km që lidh Linin me kufirin e ish- Republikës Jugosllave të Maqedonisë. Studimi është kryer në dy faza. Gjatë fazës së parë u krye vlerësimi i pararealizueshmërisë për të gjithë linjën hekurudhore me gjatësi 151 km, 72km e parë të së cilës ndërm- jet Durrësit - Rrogozhinës - Elbasanit janë në punë sot. Pjesa e mbetur prej 79 km nga Elbasani në Pogradec nuk janë në funksion, për shkak të gjendjes të keqe të linjës dhe të strukturave ( urave dhe tuneleve) përgjatë saj. Studimi i pararealizueshmërisë përfshiu një analizë kosto- përfitim ( CBA) përmes vlerësimit të tre skenarëve të zhvillimit të projektit. Për skenarin e përzgjedhur, projekti konceptual u përgatit për të gjithë linjën hekurudhore. Si rezultat i fazës së parë, u krye një prioritarizim i të gjithë segmenteve të linjës hekurudhore. Segmenti Durrës - Rrogozhinë u vlerësua me prioritet më të lartë për ndërhyrjet e rehabilitimit. Gjatë fazës së 2, u përgatitën projekti paraprak dhe analiza përkatëse e kosto- përfitimit për segmentin prioritar Durrës - Rrogozhinë, së bashku me vlerësimin paraprak të ndikimit në mjedis, përgati- tur, sipas kuadrit ligjor vendas. Segmenti i linjës Durrës - Rrogozhinë është i gjatë 33.5 km. Rehabilitimi i këtij segmenti me prioritet të lartë do të përmbushë standardet e projektimit të rrjetit ndëreuropian me shpejtësi 100km/ h dhe ngarkesë aksi 22.5 tonë.