Thaçi: Nëse s’korrigjohet, Kryeministri ndërrohet
Haradinaj: Kush do ta rrëzojë qeverinë, e rrëzon, nuk flet!
Presidenti i Kosovës, Hashim Thaçi, ka p a r a l a j m ë r u a r Kryeministrin Ramush Haradinaj se “mund të ndërrohet”, në vazhdën e replikave që ata kanë mbi debatin për korrigjimin e kufijve.
Thaçi, i cili mbron me këmbëngulje idenë e korrigjimit të kufijve me Serbinë, i ka thënë Haradinajt se “ata që nuk korrigjohen, shumë lehtë mund të ndërrohen”, duke e paralajmëruar Kryeministrin se shumë shpejt mund të mos jetë më kryetar i qeverisë, nëse vazhdon të përplaset me të rreth idesë së korrigjimit të kufijve. Sipas një deklarate që Thaçi ka bërë gjatë ditës së hënë, çdo Kryeministër i vendit mund të ndërrohet, po qe se nuk korrigjohet së pari. Ky paralajmërim që tingëllon edhe si kërcënim në drejtim të shefit të ekzekutivit të Kosovës, vjen pasi Haradinaj tha se ideja e korrigjimit të kufijve tashmë ka vdekur. Reagimi i Thaçit, sipas ekspertëve politikë në Kosovë, tregon se ai po ia bën të qartë Kryeministrit, se mund ta shkarkojë atë përmes deputetëve të Partisë Demokratike të Kosovës, të drejtuar dikur nga Thaçi. Por pavarësisht kësaj, përfaqësuesit e partisë së Haradinajt, ( AAK), mbeten të sig- urt se nuk do të ketë rrëzim të qeverisë. Nga ana kushtetuese, Presidenti nuk mund ta shkarkojë Kryeministrin. Sipas njërit prej hartuesve të Kushtetutës, Riza Smaka, Presidenti s’ka autorizim ta shkarkojë Kryeministrin. Smaka ka thënë se qeveria mund të rrëzohet vetëm me mocion mosbesi- mi, të cilin kanë të drejta ta ngrenë së paku 1/ 3 e deputetëve. Por, “mund të ndodhë që Presidenti të ketë influencë në partinë politike të veten, ajo është tjetër çështje, mirëpo Presidenti nuk ka autorizim funksional që ta shkarkojë Kryeministrin”, është shprehur Smaka për “Express”. Haradinaj tha se nuk frikësohet se Thaçi rrëzon Qeverinë. “Kush do të rrëzojë qeverinë, nuk flet, e rrëzon”, ka thënë ai duke qeshur. Thaçi ka premtuar se kudo ku do të shkojë, do të flasë për idenë e korrigjimit të kufijve, si marrëveshje për të arritur njohjen reciproke Kosovë- Serbi.