Ligji në Kuvend, si do mbyllen kazinotë dhe pikat e basteve në qytete

“Bastet sportive do të ushtrojnë aktivitetin deri në 31 dhjetor”

Kazinotë elektronike, pas 1 janarit, do të zhvendosen nga zonat e banuara, ndërsa pikat e basteve sportive në vend brenda 31 dhjetorit të këtij viti do të mbyllen.

Një ditë pas deklarimit të Kryeministrit Edi Rama për mbylljen e basteve sportive dhe heqjen e kazinove, Kuvendit i janë dërguar ndryshimet ligjore në ligjin për lojërat e fatit. "Beso dhe kontrollo. U nis për Parlament ligji për ndalimin në 31 dhjetor të basteve e kazinove elektronike", u shpreh dje Kryeministri Rama në rrjetet sociale. Ndryshimet për mby- lljen e pikave të basteve brenda këtij viti përfshihen në nenin nr. 71, "Dispozita kalimtare", të ligjit nr. 155/ 2015, "Për lojërat e fatit në Republikën e Shqipërisë", të ndryshuar. "Organizatorët e kategorive ' Baste sportive' dhe ' Baste për garat në pistë' do të ushtrojnë aktivitetin e tyre deri në datën 31 dhjetor 2018. Të gjitha aplikimet për pajisjen me licencë për kategoritë e sipërpërmendura, në proces shqyrtimi, ndërpriten", thuhet në projektligj. Po ashtu, qeveria miratoi edhe vendimin për pezu- llimin e përkohshëm të veprimtarisë të Autoritetit të Mbikëqyrjes së Lojërave të Fatit. Me mbylljen përkohësisht të këtij autoriteti, mbikëqyrjen e lojërave të fatit do ta kryejë Ministria e Financave dhe Ekonomisë. "Po sot ( dy ditë më parë), qeveria ka pezulluar veprimtarinë e Autoritetit të Mbikëqyrjes së Lojërave të Fatit, i cili deri në 31 dhjetor do të transformohet dhe do të robotizohet përmes teknologjisë digjitale, për të funksionuar si mbikëqyrës në regjimin e ri", deklaroi Kryeministri Rama.