PROJEKTLIGJI PËR "PËRFUNDIMIN E PROCESEVE TRANZITORE TË PRONËSISË"
DISPOZITË KALIMTARE
Agjencia Shtetërore e Kadastrës do të drejtohet nga Bordi Drejtues i Zyrës së Regjistrimit të Pasurive të Paluajtshme nën mbikëqyrjen e ministrit të Drejtësisë dhe zyrës së Kryeministrit. Në ditën e hyrjes në fuqi të këtij ligji, të gjithë punonjësit e Hipotekës, Agjencisë së Inventarizimit të Pronave të Paluajtshme Publike, ALUIZNI- t, Komisioneve Vendore të Verifikimit të Titujve të Pronësisë, pranë prefektëve, Agjencisë së Trajtimit të Pronës, konsiderohen punonjës të Agjencisë Kombëtare të Kadastrës për një periudhë kalimtare 6- mujore nga hyrja në fuqi e këtij ligji. Në përfundim të kësaj periudhe, ata do të vazhdojnë të qëndrojnë në detyrë nëse plotësojnë kërkesat dhe kriteret e kualifikimit, sipas rregulloreve të miratuara nga Bordi Drejtues i ASHK- së.
LIGJËRIMI DHE REGJISTRIMI I SË DREJTËS SË PRONËSISË MBI TOKËN BUJQËSORE Neni 7
Kushtet për ligjërimin e Aktit të Marrjes së Tokës në Pronësi Konsiderohen të mirëqenë të gjithë titujt e pronësisë ( aktet e marrjes së tokës në pronësi), të fituar para hyrjes në fuqi të këtij ligji, nëse përfituesi: • legjitimohej për të përfituar tokë, sipas akteve ligjore e nënligjore për ndarjen e tokës bujqësore, ose, edhe nëse nuk legjitimohej, ka përfituar tokën për të cilën i është hequr pronësia ( atij apo trashëgimlënësit) gjatë krijimit të kooperativës, apo ndërmarrjes bujqësore; dhe • ka përfituar vetëm një herë tokë, në zbatim të akteve ligjore e nënligjore për tokën bujqësore. Kontrolli i kushteve për ligjërimin e titujve të dhënë, realizohet gjatë procedurave të regjistrimit dhe/ ose përmirësim- përditësimit të regjistrit të pasurive të paluajtshme.
Neni 8
• Trajtimi i subjekteve që nuk përmbushin kushtet për ligjërimin e titullit • Nëse pronari aktual i tokës është ende përfituesi fillestar i AMTP, ose trashëgimtarët, titulli është i pavlefshëm dhe sipërfaqja e tokës kalon në fondin e tokës. • Nëse përfituesi fillestar i titullit të pronësisë, si pasojë e një transaksioni apo shpronësimit për interes publik, nuk e disponon më tokën, në mënyrë të plotë ose të pjesshme, detyrohet që, për sipërfaqen përkatëse të tokës, të kryejë pagesën. Pagesa në varësi të rastit, i korrespondon shumës sipas Hartës së vlerës së pronës, përcaktuar me VKM, për sipërfaqet rezultat i transaksionit, apo vlerës së kompensimit të përfituar për shkak të shpronësimit për interes publik.
Neni 9
• Nëse gjatë procedurave të regjistrimit, ose përmirësimpërditësimit evidentohet se, sipërfaqja e tokës bujqësore në AMTP është e ndryshme nga ajo që posedohet efektivisht në terren, veprohet në këtë mënyrë: • Kur sipërfaqja që posedohet është deri në njëzet për qind më e madhe se ajo e përcaktuar në AMTP, subjekti ka të drejtë të përfitojë kalimin e pronësisë së sipërfaqes shtesë, sipas çmimit të përcaktuar në hartën e vlerës së pronës. Nëse poseduesi nuk e kërkon, refuzon, apo nuk shlyen çmimin, kjo sipërfaqe kalon në fondin e tokës. • Kur sipërfaqja që posedohet efektivisht në terren është më e vogël se ajo e përcaktuar në AMTP, Agjencia Shtetërore e Kadastrës procedon me regjistrimin e titullit për sipërfaqen që posedohet efektivisht në terren. Në përfundim të procedurës së regjistrimit, ose përmirësim/ përditësimit, nëse evidentohen sipërfaqe të lira, pa titull pronësie, transferohen në fondin e tokës. Kalimi nga titulli i përdorimit në titull pronësie Kalimi në pronësi miratohet me Vendim të Këshillit të Ministrave, sipas listës së përdoruesve të tokës bujqësore, të përcaktuar me Vendim të Këshillit Bashkiak.