I arrestuar 4 herë, kapet me dy pistoleta “i forti” i Fierit
Kishte fshehur dy armë e një shpatë poshtë lavamanit në lokal
Ishte në hetim për disa akuza, kapet me dy pistoleta “i forti” në Fier.
Gjatë një operacioni të Policisë së Fierit dhe Lushnjës në bashkëpunim me FNSH- në, u vu në pranga Ilir Boriçi, 42 vjeç. Prangosja e tij u bë në kuadër të operacionit “Forca e Ligjit”, ku akuzohet se është pjesë e një grupi kriminal të quajtur “Boriçët”, që janë me precedentë kriminalë, kryesisht në fushën e krimeve kundër personit. Arrestimi i Ilir Boriçit erdhi pas kontrolleve të befasishme për kapjen e personave që qarkullojnë me armë zjarri dhe personave të shpallur në kërkim. Kontrollet janë kryer në lokale dhe ambiente të ndryshme si edhe në akset rrugore kryesore e dytësore të qytetit të Fierit dhe Lushnjës, një aksion që ka rreth një muaj që ka nisur. Ilir Boriçi u vu në pranga në kushtet e flagrancës, pasi nga kontrolli i ushtruar në lokalin e tij në lagjen “8 Shkurti” Fier, iu gjetën 2 armë zjarri pistoletë dhe një shpatë. Armët dhe shpata iu gjetën nën lavamanin e lokalit të tij. Policia sqaron se “Ilir Boriçi është pjesë e grupit të quajtur “Boriçët”, grup me precedentë kriminalë kryesisht në fushën e krimeve kundër personit”. 42- vjeçari është arrestuar nga Policia 5 herë për veprat penale “Tentativë vrasje”, “Kanosje”, “Shkatërrim prone” dhe “Armëmbajtje pa leje”. Aktualisht, ai ishte në masën “Detyrim paraqitje” për veprën penale “Armëmbajtje pa leje”, “Kanosje” dhe “Shkatërrim prone”, lënë në fuqi nga Gjykata e Fierit, pasi në korrik të vitit të kaluar, për shkaqe të paqarta, në vendin e quajtur lokal “Gjermani” në bregdetin e Semanit në Fier, ka qëlluar me armë zjarri. Borici ka qëlluar në drejtim të lokalit në pronësi të shtetasit A. C, 23 vjeç, duke i shkatërruar sendet, pajisjet e lokalit. Pas ngjarjes, Boriçi u vu në pranga për “Armëmbajtje pa leje”, “Kanosje” dhe “Shkatërrim prone”, ndër- sa rezultonte i arrestuar edhe tri herë të tjera me parë për “Armëmbajtje pa leje”. Për këtë sulm ndaj lokalit në Seman, Gjykata e Fierit la në fuqi masën “Detyrim paraqitje” deri në përfundim të hetimit. Boriçi ka një të kaluar me rekorde të shumta kriminale. Në vitin 1999, 42- vjeçari u arrestua për “Shkëmbim zjarri”, “Tentativë vrasje” dhe “Armëmbajtje pa leje”. Ndërsa në vitin 2008- 2011 ka vuajtur dënimin në bur- gun e Milanos për veprën penale “Shfrytëzim prostitucioni”. Kurse në 11.11.2013 është arrestuar në flagrancë për veprën penale “Armëmbajtje pa leje” dhe është dënuar me 4 vjet e 8 muaj burg.