Italia "agjëron" edhe me Ukrainën, ekipi i Mançinit ka harruar të fitojë

Më në fund një Itali e bukur, por sërish jo fituese. Me tetë ndryshime nga 11 që zbritën në fushë në Portugali, skuadra e Mançinit u tregua shumë kurajoze me tredhëmbëshin Insinje- Bernardeski- Kieza, të cilët fluturuan me shpejtësi supersonike për 60 minuta, por në fund, nuk mjafton për të hedhur në tapet një Ukrainë, që mori një barazim me dy- tri raste të krijuara dhe "nxin" edhe më shumë statistikat e trajnerit "axurr". Mançini, duke përjashtuar fitoren me Arabinë Saudite, në 4 ndeshjet e tjera ka humbur dy dhe barazuar dy, por të dielën me Poloninë janë 3 pikë të rëndësishme në lojë dhe Italia e ka për detyrë që të përgjigjet.

- Pas vërshëllimës së arbitrit, Italia duket e djallëzuar, sepse lëshohet e gjitha në sulm dhe bëjnë një pjesë të parë të frikshme, me ukrainasit që tremben dhe mendojnë vetëm të mbrohen. Madje, me pak më shumë ftohtësi e saktësi, Bernardeski, Bonuçi e Biragi, respektivisht në minutat 4, 7 dhe 11 mund të kishin dërguar në 3- 0 rezultatin, por përballë gjetën edhe një Pjatov shumë të vëmendshëm. Italianët dhe sidomos tredhëmbëshi i sulmit vrapon aq shumë, sa ukrainasit e dorëzojnë shumë shpejt sferën, ndërsa

Shumë raste, zero gola

Barela dhe Biragi janë padronë të korsive të tyre. Në të 21- ën, edhe Insinje provon një goditje "alla Del Piero", tri minuta më vonë Barrela gjithashtu, por miqtë falënderojnë dhe nuk ngurojnë që të largojnë në goditje këndi çdo top që vjen drejt zonës së tyre. Madje, ata janë të lumtur kur në minutën e 43- të, arbitri urdhëron ndërprerjen e ndeshjes për të mbajtur një minutë heshtje, për 43 viktimat e urës Morandi.

Në pjesën e dytë, Italia më në fund kalon, por ai Pjatov që dukej i pakalueshëm nuk arrin ta përmbajë goditjen e Bernardeskit nga distanca. Gjithsesi, festa italiane zgjat vetëm 7 minuta, sepse me një goditje me kthesë brenda zonës, Malinovski barazon në të 62- ën dhe dhjetë minuta më vonë, traversa shpëton "axurrët". Gjithsesi, humbja do të kishte qenë një dënim i pamerituar për Italinë.

"Berna" nuk mjafton -