Balla padit Salianjin me 1 milion lekë për shpifje

Deputeti i PD: Të gjitha paratë për të riedukuar shokët e krimit

Kreu i Grupit Parlamentar të PS, Taulant Balla, paditi në Gjykatë deputetin demokrat Ervin Salianji për shpifje, duke i kërkuar 1 milion lekë për dëmin moral që i ka shkaktuar. “Çdo shpifje të hedhur në drejtimin tonë nga aktorët e SHQUP- it, e që kazani politik e mediatik u jep zë pa asnjë verifikim edhe kur vërtetohen si të rreme, a qoftë edhe nga kazani i profileve zyrtare digjitale, ne do ta padisim në Gjykatë”, shkruan Balla në një postim në “Facebook”. Po ashtu, ai ka paralajmëruar se sot do të padisë deputetin tjetër demokrat, Luçiano Boçi, pas deklaratës së djeshme të bërë nga deputeti i PD ku tha se: “Taulant Balla rezulton të ketë udhëtuar jashtë vendit mbi 25 herë me trafikantin e drogës Edmond Bego, shpeshherë me të njëjtën makinë, kryesisht me automjetin e Taulant Ballës, me targa AA 900 IN”, duke u shprehur se këto shpifje që drejtohen në emër të tij, do të zgjidhen në gjyq. “Sipas ligjit, papagalli mban përgjegjësi për atë që thotë. Kështu që edhe papagalli Luciano do të paditet nesër për shpifjen e sotme. Ndërsa pyetja që kam për ata që e publikojnë këtë shpifje: Çfarë ju kushton të vërtetoni se numrat e fluturimeve të shpifjes në fjalë, janë avionë linje, janë fluturime zyrtare? Apo ndonjë ka merak se mos i bie audienca po nuk bëri papagallin e papagajve, duke shpërndarë “fake- neës?”, ka shkruar Balla në një postim në “Facebook”. Padinë në gjykatë nga Tualant Balla, deputeti i PD- së, Ervin Salianji, e përcolli me ironi. “Unë që ‘ i dhashë’ Alizotit 200.000 euro, për Ballën 10 milioë lekë janë hiç. Të gjitha paratë që kemi të shkojnë për fondet e riedukimit, të ndihmojmë PS- në nga shokët e krimit! Sapo ka filluar! Të fala departamentit të shpifësve!”, shkruan Salianji si reagim ndaj padisë së Ballës. Deputeti demokrat Luçiano Boçi i drejtoi disa pyetje dje Ballës në lidhje me udhëtimet e tij me Edmond Begon. “Taulanti u fsheh si gjithmonë ku kapet në flagrancë si bashkëpunëtor i eksponentëve të krimit të organizuar. Taulanti nga Librazhdi nuk ka dhënë ende asnjë sqarim: - Çfarë e lidh numrin dy të Partisë Socialiste me trafikantin e drogës Edmond Bego? - Pse ka udhëtuar 25 herë jashtë vendit me trafikantin e dënuar të drogës Edmond Bego? - Pse ka përdorur makinën e tij personale për të udhëtuar me trafikantin ndërkombëtar të drogës Edmond Begon?”, u shpreh Boçi nga selia blu.