Meta vlerëson me “Dekoratën e Flamurit” Princin e Monakos
“Dekorata e Flamurit Kombëtar” për nxitjen e marrëdhënieve dypalëshe
Presidenti i Republikës, Ilir Meta, vlerësoi dje me “Dekoratën e Flamurit Kombëtar” Princin e Monakos, Albert II, “Për kontributin e çmuar në inkurajimin dhe intensifikimin e marrëdhënieve miqësore dhe të bashkëpunimit midis Republikës së Shqipërisë dhe Principatës së Monakos; për mbështetjen e vyer për ruajtjen e biodiversitetit në zona të mbrojtura detare në Shqipëri, si pjesë e mjedisit të pellgut të Mesdheut”. “Kjo është dekorata më e lartë, me të cilën ne shqiptarët nderojmë e respektojmë miqtë tanë më të mirë. Po kështu, një mirënjohje të veçantë e kam edhe për njohjen e shtetit të Kosovës nga Principata e Monakos, 10- vjet më parë, duke qenë ndër të parat vende”, tha Presidenti Meta. Dekorata iu dorëzua gjatë një ceremonie solemne të zhvilluar në Pallatin e Brigadave. Vizita dyditore e Princit Albert II nisi me një ceremoni zyrtare mik- pritjeje në Presidencë. “Dëshiroj që të vlerësoj lart që në fillim, vëmendjen e veçantë që Lartësia e Tij e Përndritur dhe Qeveria e Monakos po u kushtojnë në vitet e fundit marrëdhënieve me Shqipërinë. Megjithëse marrëdhëniet diplomatike midis dy vendeve tona janë relativisht të reja, falë dëshirës dhe vullnetit të përbashkët, ato po zh- villohen shumë pozitivisht. Në më pak se një vit, kjo është hera e dytë që takohem me Princin Albert II. Herën e parë u takuam në Marsejë, ku zhvilluam një bisedë shumë të frytshme e bashkëpunuese. Gjatë bisedimeve të sotme, një vëmendje të veçantë ia kushtuam interesit të përbashkët në fushat e mundshme të bashkëpunimit dhe nxitjes në mënyrë të veçantë bashkëpunimin ekonomik”, u shpreh gjatë fjalës së tij Presidenti Meta në ceremoninë e dorëzimit të dekoratës. Sipas tij, Principata e Monakos gëzon një reputacion të jashtëzakonshëm ndërkombëtar, veçanërisht në fushën e mbrojtjes së mjedisit dhe ekonominë e gjelbër, turizmit, inovacionit dhe teknologjisë apo në fush- ën e shërbimeve financiare. “Sot, patëm gjithashtu mundësinë që të vlerësojmë rolin dhe kontributin e Princit Albert II në kuadër të promovimit dhe mbrojtjes së ambientit, veçanërisht në pellgun e Mesdheut, por edhe në nivel global. Si dy vende mesdhetare, Shqipëria dhe Principata e Monakos ndajnë vlera, interesa dhe sfida të përbashkëta, përballimi i të cilave kërkon një bashkëpunim të ngushtë. Në këtë aspekt, vlerësoj shumë bashkëpunimin dhe mbështetjen e dhënë nga Fondacioni i Princit dhe Shoqata për Financim të Qëndrueshëm të Zonave të Mbrojtura Detare në Mesdhe, për projekte të veçanta në zonat e mbrojtura detare të rajonit të Vlorës”, tha Presidenti Meta.