Apeli lë të lirë mjekët që u arrestuan në Shkodër
Në fuqi Shkalla e Parë, nuk u lejohet detyrë menaxhuese
SHKODER - Arrestimi i mjekëve të Spitalit të Shkodrës tashmë rezulton ve? çse një flluskë. Gjykata e Apelit në Shkodër ka lënë të lirë të gjithë të akuzuarit, përveç njërit prej mjekëve, që rezulton ende në kërkim. Arrestimi i personelit të spitalit, mes të cilëve ishin dhe dy ish- drejtorë, ndodhi me shumë bujë rreth një muaj më parë, më 20 shtator. Prokuroria e Shkodrës bëri të ditur se arrestimet erdhën pas një hetimi 2- mujor, ku mjekët dhe punonjësit e tjerë të spitalit u akuzuan për një dëm prej 57 milionë lekësh të rinj për blerjen e produkteve të panevojshme dhe në prag të datës së skadencës. Ish- drejtori Çela, i cili ishte i lirë me garanci pasurore prej 5 milionë lekë të vjetër, u rikthye në detyrën e mjekut, por rezulton ende i pezulluar sa i përket funksionit në administrimin e spitalit. Gjithashtu dhe farmacistja Karmen Kaçulini, që kishte lënë garancinë pasurore prej 3 milionë lekësh të vjetër; Amanda Matlija, me garancinë pasurore prej 2 milionë lekësh të vjetër dhe Juliana Zhuri, e lënë e lirë me garancinë pasurore prej 2 milionë lekësh të vjetër, do të hetohen në gjendje të lirë pa garanci. Ndërsa për Luan Dragush- ën nuk kishte asnjë masë sigurie, pasi ajo i është revokuar. Por, vazhdon që të jetë në kërkim mjeku Edi Smajlaj dhe për rrjedhojë ndaj tij vazhdon të jetë në fuqi masa "arrest me burg". Mjekët dhe infermierët janë në hetim për abuzime me tenderat e blerjeve të medikamenteve dhe pajisje të nevojshme për ndërhyrje kirurgjikale. Sipas hetimeve të Prokurorisë së Shkodrës, dyshohet se në kundërshtim me detyrën i kanë kërkuar Ministrisë së Shëndetësisë materiale të domosdoshme mjekësore për kabinetin e Hemodinamikës. Sipas Prokurorisë, mjekët dhe punonjësit e tjerë, në shkelje të ligjit, kanë kërkuar për blerje- tenderim, për periudhën kohore të mbetur të vitit 2016, shtator- dhjetor 2016, një sasi shumë të madhe prej 400 stendash ( kateter, koronare dhe sete kirurgjikale të kardiokirurgjisë etj.), jashtë çdo kriteri apo kapaciteti që ky spital ka. Ndërkohë që janë zhvilluar 6 tendera për blerje barnash dhe materialesh për kabinetin e Hemodinamikës, shërbimi i Kardiologjisë, me një vlerë prej 34 492 870 lekësh, janë kryer vetëm 3 ndërhyrje, ndërkohë që janë blerë medikamente për 400 ndërhyrje. Gjithashtu, për vitin 2017 të lidhen 6 kontrata të tjera me vlerë prej 23 171 853 lekësh, përfshirë këtu edhe kontrata për mirëmbajtjen e materialeve të blera. Planifikimet dhe blerjet për vitin 2017 prej 700 stendash janë bërë duke mos pasur parasysh gjendjen e stokut, afatin e skadencës së materialeve, kapacitetin e spitalit, ndërhyrjet e planifikuara për atë vit. Por, sipas mjekëve , në dy vite janë kryer 519 ndërhyrje dhe se për një operacion duhet të jenë të gatshme për mjekun 160 stenda.