RAPORTI I BE

Kushtetuta e Hungarisë tashmë e quan fjetjen në rrugë nga të pastrehët, një krim. Që nga e hëna, në këtë vend të Bashkimit Europian ka hyrë në fuqi ligji për ndalimin e të pastrehëve. Qeveria pretendon se me këtë ligj do të shpëtojë jetë, por kritikët e konsiderojnë çnjerëzor. Sipas të dhënave, pothuajse në asnjë kryeqytet tjetër europiano- lindor nuk ka kaq shumë të pastrehë, kryesisht të moshuar, sa ka në Budapest. Problemi është injoruar edhe nga qeveritë e majta, edhe nga ato të djathta. Kryeministri aktual i Hungarisë, Viktor Orban, Kritika dhe protesta ndaj ligjit të ri kundër të pastrehëve në Hungari ka pasur edhe në nivel ndërkombëtar. Në një raport të Parlamentit Europian, të quajtur “Raporti Sargentini”, përshkruhet se si Hungaria po shkel parimet e shtetit ligjor dhe vlerat themelore të BE- së. “Raporti Sargentini” është baza e një procesi të hapur të BE- së ndaj Hungarisë. ka marrë përsipër ta zgjidhë këtë problem sipas mënyrës së tij: duke i ndaluar të pastrehët. Në qershor të këtij viti u miratua një ndryshim kushtetues për të ndaluar të pastrehët me një ligj themelor hungarez, ku thuhet: “Qëndrimi për jetesë në hapësirat publike është i ndaluar”. Jetesë në mjedise publike, sipas këtij ligji, mund të konsiderohet nëse një i pastrehë me plaçka me vete qëndron i ulur ose i shtrirë diku. Nëse me kërkesën e Policisë personi nuk largohet për të shkuar p. sh. në ndonjë strehimore, atë e detyrojnë të punojë për komunën dhe në rast se e refuzon këtë, mund të arrestohet, sipas një shpjegimi të ligjit nga “Deutsche Welle”. Burgimi parashikohet edhe nëse personi brenda tre muajsh, pas tri kërkesash të Policisë nuk është larguar nga vendqëndrimi në hapësirat publike. Në këtë rast ka një proces të përshpejtuar dhe dënim me burg. Po ashtu, Policia mund të konfiskojë dhe asgjësojë plaçkat e sendet që posedon personi i pastrehë, përfshirë edhe sende personale si fotografitë.

Shumë organizata joqeveritare në Hungari po protestojnë prej muajsh kundër këtij ligji që e konsiderojnë çnjerëzor dhe të papërshtatshëm për zgjidhjen e problemit. Shoqatat civile dhe të artistëve protestuan fundjavën e kaluar kundër ligjit të ri me anë të pankartave, ku shkruhej: “Varfëria nuk është akt penal”; “Kush i trazon të varfrit, është burracak”.