Kopshti zoologjik në Fier “tmerron” gazetarin e huaj
Daily Mail: “Kopshti zoologjik i Ferrit”, kafshët në mjerim
Pasi fotot e luanit me sy të nxirë dhe kafshëve të tjera në gjendje të mjeruar u publikun te “Daily Mail”, autoritetet kanë ndërhyrë dje në kopshtin zoologjik privat në Fier.
Lajmi është bërë i ditur nga vetë ministri i Mjedisit, Blendi Klosi, i cili theksoi dje se është ndërhyrë për zhvendosjen e kafshëve. Gjendja në “Safari park Zoo”, në Fier u publikua nga tabloidi britanik “Daily Mail” pak ditë më parë. Fotot që tregonin se si kafshët ishin në prag të ngordhjes nga kequshqyerja dhe mungesa e kujdesit, bëri që Inspektorati i Mjedisit, bashkë me Policinë dhe Shoqatat për Mbrojtjen e Kafshëve të inspektonin nga afër situatën. Ndërkohë, drejtuesit e këtij kopshti zoologjik privat në hyrje të qytetit të Fierit pas publikimit të fotove e mbyllën menjëherë për vizitorët dhe median. Ky biznes rezulton në pronësi të Lavdimir Osmënit, i regjistruar në QKR që prej vitit 2006, kohë kur edhe ka nisur aktivitetin. Në përshkrimin e fushës së aktivitetit thuhet se ky biznes ka si objekt import- eksport të të gjitha llojeve të produkteve industriale dhe ushqimore, të materialeve të ndërtimit, lëndëve dhe materialeve të hekurit, tregtim të pjesëve për makine si dhe hapje kënde lojërash për fëmijë, por në asnjë vend nuk thuhet se është parashikuar edhe për kopsht zoologjik. Skandali thellohet edhe më tepër nga fakti se autoritetet përkatëse e kanë licencuar këtë park si biznes shërbimi dhe nuk kanë bërë asnjëherë kontroll më pas për kushtet higjienike, por edhe ushqimin dhe shërbimin veterinar për kafshët që mbaheshin në kushte mjerane në këtë kopsht zoologjik.
Rasti në fjalë erdhi në vëmendje të autoriteteve dhe publikut vetëm pasi gazeta britanike shkruante se një luan është bërë kockë e lëkurë dhe se e kishte kapur një infeksion i syrit. Sipas gazetarit, i cili është ndodhur rastësisht në Fier dhe ka parë situatën në këtë kopsht zoologjik, kafshët mbahen në kushte tejet të këqija dhe të paushqyera. Publikimi i fotove të kafshëve me mbish- krimin “Kopshti zoologjik i Ferrit” tregonin luanin, por edhe kafshët e tjera që jetonin në kushte ekstreme. Pas këtij artikulli erdhi dhe reagimi i ministrit të Mjedisit, Blendi Klosi. “Në përgjigje të lajmit të publikuar në ‘ Daily Mail’ dhe dhjetëra mesazheve për situatën e papranueshme, ku jetojnë disa kafshë në një kopsht zoologjik privat në Fier, urdhërova urgjentisht nisjen e një aksioni nga Inspektorati i Mjedisit, i cili në bashkëpunim me Policinë e Fierit dhe Shoqatën për Mbrojtjen e Kafshëve kanë vendosur të zhvendosin kafshët me qëllim marrjen e tyre në mbrojtje nga kjo e fundit. Aksioni do të vijojë edhe nesër deri në zgjidhjen përfundimtare të kësaj ngjarje të turpshme”, shprehet Klosi.
Aksioni për largimin e kafshëve ka nisur dhe do të vijojë edhe në ditët e ardhshme. Brenda mësohet se kanë mbetur rreth 7 kafshë, të cilat, pas inspektimit dhe marrjes në pyetje të drejtuesve të ambientit, pritet të zhvendosen në një tjetër park jashtë Fierit, ku do t’i nënshtrohen vizitës së veterinerit dhe shërbimeve të tjera, për të cilat kanë nevojë. Kujtojmë se me hapjen e aktivitetit në vitin 2006, kanë ardhur edhe kafshët.
Por, megjithëse ka ndërhyrë Policia ende nuk ka një informacion se si paraqitet gjendja e kafshëve.
Skandali thellohet edhe më tepër nga fakti se autoritetet përkatëse e kanë licencuar këtë park si biznes shërbimi dhe nuk kanë bërë asnjëherë kontroll më pas për kushtet higjienike, por edhe ushqimin dhe shërbimin veterinar për kafshët që mbaheshin në kushte mjerane në këtë kopsht zoologjik. Rasti në fjalë erdhi në vëmendje të autoriteteve dhe publikut vetëm pasi gazeta britanike shkruante se një luan është bërë kockë e lëkurë dhe se e kishte kapur një infeksion i syrit