Karota është e mirë për tensionin e lartë, sytë dhe imunitetin tuaj
Ka një arsye që fanatikët e shëndetit po bëjnë pjesë të vakteve të tyre lëngun e karotës. Karotat janë të mbushura me betacarotene, fibra dhe antioksidantë, të cilat mund t’ju ofrojnë disa përfitime mbresëlënëse shëndetësore. Duke qenë se jemi në prag të stinës së dimrit dhe rreziku për t’u prekur nga gripi është prezent, gjithë vëmendja duhet të përqendrohet në nxitjen e sistemit tuaj imunitar. Përveç ndjekjes së një diete të shëndetshme, duke ushtruar rregullisht aktivitet fizik dhe duke fjetur mjaftueshëm gjumë, një mënyrë tjetër e mrekullueshme për të mbrojtur trupin tuaj është të pini lëng karote. “Lëngu i karotës siguron një sasi të shkëlqyer të imunitetit”, thonë specialistët e shëndetit. Trupat tanë nuk janë në gjendje të sintetizojnë vetë vitaminën C, kështu që ne duhet të marrim lëndë ushqyese nga ushqimi ose shtesat.
NDIHMON NË FORCIMIN E SHIKIMIT Kur mendoni për përfitimet shëndetësore të karotave, aftësia e tyre për të forcuar shikimin tuaj është ndoshta gjëja e parë që vjen në mendje. Dhe është e vërtetë. “Karota përmban vitaminë A, e cila nuk është vetëm një antioksidant i fuqishëm, por edhe një nga ushqyesit më të rëndësishëm për sytë”, thotë Lisa Samuels, RD, themeluesja e The Happie House. MUND TË NDIHMOJË NË KONTROLLIN E PRESIONIT TË
GJAKUT Nëse vuani nga presioni i lartë i gjakut, duke pirë një gotë lëng karote mund të jetë një mënyrë e thjeshtë për ta mbajtur nën kontroll. “Kaliumi është një mineral i rëndësishëm për të ndihmuar në parandalimin e efekteve të natriumit dhe për të ndihmuar në kontrollin e nivelit të presionit të gjakut”, thonë mjekët. “Për shkak se lëngu i karotës është një burim i madh i kaliumit, duke siguruar 689 miligramë për filxhan, mund të bëjë shumë të mira për trupin tuaj”.