“Ndëshkimi i të fortëve”, kapet i kërkuari për drogë
Krimet e Rënda, “burg” për drogën e Luginës së Vilurit
Ishte në kërkim për trafikimin e një sasie të madhe droge, kapet 45- vjeçari vlonjat.
Gazmir Mehmetaj, i lindur në Treblovë, rezulton i përfshirë në tentativën e trafikimit të një sasie të madhe lënde narkotike, e cila u bllokua në Luginën e Vilunit në Shkodër. Edhe pse operacioni ka ndodhur që prej vitit 2013, urdhri për arrestim e tij është lëshuar vetëm në maj 2017. Policia bën me dije se, operacioni për kapjen e tij u krye në kuadër të operacionit “Forca e Ligjit”. 45- vjeçari është arrestuar gjatë orëve të natës së të enjtes në lagjen “Pavarësia” të qytetit bregdetar, pas informacioneve të siguruara në rrugë operative nga blutë e Vlorës mbi vendndodhjen e tij. Prokuroria e Krimeve të Rënda ka caktuar ndaj tij masën e sigurisë “arrest me burg”, për veprën penale të trafikimit të narkotikëve më 29 maj të vitit 2017 dhe prej më shumë se 15 muajsh, 45- vjeçari ishte person i shpallur në kërkim. Ngjarja, për të cilën ka marrë edhe këtë masë sigurie, i referohet vitit 2013, ku emri i Gazmir Mehmetajt është i përfshirë nga blutë në konstatimin e një sasie lënde narkotike në “Luginën e Vilunit” në Shkodër. Sipas asaj çfarë mësohet, Prokuroria kishte informacione të plota mbi përfshirjen e 45- vjeçarit, ndërkohë që urdhërarresti për të është lëshuar vetëm në vitin 2017. Por, sipas burimeve nga Policia e Vlorës, emri i 45- vjeçarit Gazmir Mehmetaj konstatohet dhe për një tjetër ngjarje të ndodhur në vitin 2017. Bëhet fjalë për bllokimin e një sasie prej 840 kg cannabis sativa, të gjetur në zonën e Karaburunit. Mes 15 personave, të cilët janë nën hetim për këtë ngjarje, rezulton edhe emri i Gazmir Mehmetaj. Në qer- shor të 2017, për këtë çështje u arrestuan Andrea Çaushi, Andi Mita, Kasëm Piluri dhe Altin Rramolli. “Në kuadër të operacionit në territor ‘ Ndëshkimi i të fortëve’, nga strukturat e Drejtorisë Vendore të Policisë Vlorë, u bë kapja dhe ndalimi i të kërkuarit: Gazmir Mehmetaj, 45 vjeç, lindur në Treblovë dhe banues në Vlorë. Kapja e tij u bë në lagjen ‘ Pavarësia’, Vlorë, në kuadër të kontrolleve si dhe mbi bazën e informacioneve të marra në rrugë operative nga Seksioni për Hetimin e Narkotikëve dhe Trafiqeve pranë Drejtorisë Vendore të Policisë Vlorë”, bën me dije Policia. Pas arrestimit në Vlorë, 45vjeçari do të vijojë të ndiqet penalisht nga Gjykata e Shkallës së Parë e Krimeve të Rënda për veprën penale të trafikimit të narkotikëve.
Prokuroria e Krimeve të Rënda ka caktuar ndaj tij masën e sigurisë “arrest me burg”, për veprën penale të trafikimit të narkotikëve më 29 maj të vitit 2017 dhe prej më shumë se 15 muajsh, 45vjeçari ishte person i shpallur në kërkim