Anëtarësimi në BE
Presidenti i Serbisë, Aleksandar Vuçiç, ka deklaruar se nuk do ta zemëronte kurrë Kancelaren Angela Merkel, kur u pyet në lidhje me ndryshimin e kufijve në Ballkan.
Merkel është deklaruar prerë kundër çdo ndryshimi kufitar, pasi mund të hapë “Kutinë e Pandorës” në të gjitha vendet e brishta të Ballkanit me përzierje etnike. Deri pak kohë më parë, Vuçiç dhe Presidenti i Kosovës, Hashim Thaçi, janë deklaruar se do të dëshironin që të mos kishte tema tabu në kërkimin e një marrëveshjeje për normalizimin e marrëdhënieve mes dy vendeve. Vuçiç dhe Thaçi mesa duket kishin gjetur gjuhën e përbashkët me ndryshimin kufijve deridiku në vija etnike, ku Serbia mund t’i jepte Kosovës Luginën e Preshevës dhe të merrte prej saj Veriun e Mitrovicës dhe fshatrat serbe përreth. Kjo teori nisi nga Thaçi me përkufizimin “korrigjim kufijsh”, si ide për të marrë vetëm Luginën e Preshevës dhe për ta shtuar atë në territorin e Kosovës pa dhënë asgjë në këmbim. Por shumë politikanë, analistë dhe ekspertë të Ballkanit e kanë identifikuar këtë me shkëmbimin e territoreve, një temë e konsideruar tabu nga BE- ja dhe deri vonë edhe nga SHBA- të. Opinioni publik, si në Serbi edhe në Kosovë, ishte kundër kësaj zgjidhjeje.
Në një intervistë për agjencinë “Bloomberg”, Vuçiç u shfaq i vendosur të hyjë në histori si një njeri që pajtonte dallimet etnike dhe territoriale në rajon. Në in- tervistën nën titullin “Kur Merkel flet, dëgjon aleati i vjetër rus”, Vuçiç tha se ai nuk do ta zemërojë Kancelaren gjermane Angela Merkel, pa marrë parasysh sa e vështirë është kjo. “Ne duhet të tregojmë drejtësi dhe besnikëri”, tha ai duke pohuar që biseda me Merkelin nuk ishte e lehtë, por ai kurrë nuk do të thotë asgjë kundër saj. Sipas “Bloomberg”, aspiratat për anëtarësimin në BE, e cila është në përputhje me interesin e Rusisë për të mbajtur ndikimin e saj, teston marrëdhëniet tradicionale në Ballkan. Për të hyrë në BE, Vuçiç duhet të gjejë marrëveshje normalizimi me Kosovën, të zbatojë reformën gjyqësore dhe të luftojë korrupsionin. Vuçiç ka qenë ministër i Informacionit gjatë regjimit të Sllobodan Millosheviçit. Ai u bë President pas tre vjetësh në krye të qeverisë dhe ka mbështetjen e kryeministres aktuale. Por njohja e Kosovës mbart rreziqe të mëdha politike për të. “Disa njerëz nuk më pëlqejnë për shkak të së kaluarës sime, disa më urrejnë për arsye të paarsyeshme, Vuçiç tha se edhe pse qytetarët serbë janë duke u bërë gjithnjë e më skeptikë në lidhje me faktin se Serbia do të bashkohet ndonjëherë me BE- në, kjo është e vetmja rrugë përpara dhe kjo do të thotë se ai e dëgjon Kancelaren Angela Merkel. “Unë e thashë edhe në Rusi. Ne duam të bëhemi pjesë e kësaj shoqërie”, tha Vuçiç për “Bloomberg”, duke theksuar se kushtet kulturore dhe fetare serbe tradicionalisht janë pjesë e sferës ruse, edhe se BE- ja është një nga investitorët më të mëdha të vendit me shtatë milionë banorë. Por as Rusia nuk është kundër anëtarësimit të Serbisë në BE, pasi nëpërmjet Serbisë arrin një lloj kontrolli edhe brenda Unionit. disa më urrejnë për arsye racionale”, ka thënë Vuçiç në një intervistë me “Bloomberg”. Sipas tij, “zgjidhja e problemit mes serbëve dhe shqiptarëve është diçka që do të ndryshojë tërësisht rajonin, rajoni ynë do të jetë makinë e zhvillimit për të gjithë BE- në dhe kjo nuk ka rëndësi nëse do të jetë pjesë e BEsë”, tha Vuçiç.