LETËRPOROSIA

Prokuroria e Tiranës iu drejtua autoriteteve të Izraelit në mënyrë që të zbërthente telefonat e koduar të Ervis Martinajt. Nga këto ekspertime, arriti të rikuperojë përmes asistencës izraelite biseda para ngjarjes mes Martinajt dhe personave të tjerë.

Prokuroria e Tiranës u është drejtuar përmes një letërporosie autoriteteve në Izrael për të çkoduar telefonat celularë të Ervis Martinajt.

Përgjigjja që ka ardhur nga Izraeli është mjaft interesante për hetimin, pasi sipas Prokurorisë, rrëzon pjesërisht dëshminë e Ervis Martinajt, i cili ka thënë se shkoi rastësisht në lokalin “Monopol” të Redi Popeskut. Kështu, nga bisedat që ai ka kryer me persona të tjerë të përfshirë në ngjarjen ku u vra Fabian Gaxha, duket se Martinaj ka planifikuar çdo gjë, duke u kërkuar shokëve që të afrohen të armatosur në lokal. “Panorama” sjell të plota komunikimet e Ervis Martinajt me shokët e tij. Ai komunikon me një person që quhet “Boli” dhe i kërkon që të vijë ne lokalin e Redi Popeskut. Gjithashtu, më pas i shkruan një personi tjetër që e ka regjistruar me ermin “San” numrin e tij dhe i thotë të afrohet në Bllok dhe të marrë edhe “ndonjë gjë me vete”. Biseda më e gjatë është ajo në rrjetin “Telegram”, ku flet me një person të regjistruar me emrin “Aldo” dhe i kërkon që të vijë bashkë me djemtë e tjerë te lokali i Redi Popeskut i armatosur. Sipas Prokurorisë, këto lëvizje të Martinajt rrëzojnë dëshminë e tij kur thoshte se te lokali i Popeskut kishte shkuar krejt rastësisht. Nga bisedat duket se Martinaj i druhej përplasjes me armë në lokal dhe po shkonte me krahë të mbuluara, megjithëse mbeti i plagosur.

PËRGJIMET “Nga akti i ekspertimit tekniko- elektronik nr. 11694, dt. 02.11.2018 i aparatit telefonik të sekuestruar të arrestuarit Ervis Martinaj kanë rezultuar të dhëna me rëndësi për hetimin. Në rrjetin “Whatsapp”, më datë 04.10.2018 rezultojnë këto komunikime:

- Ora 21: 12 komunikon me numrin * 854 regjistruar me emrin “Boli” me tekst “mer” dhe më pas ora 21: 15 “Afrohu në bllok përballë bilioner te rrobat e shtrenjta”.

- Ora 21: 16 komunikon me numrin * 816 regjistruar me emrin “San” me tekst “Afrohu në bllok”, “mer naj gjë me vetë” dhe ora 21: 45 “Ku je?”

- Në rrjetin “Telegram” më datë 04.10.2018 rezul- tojnë këto komunikime me kontaktin e regjistruar me emrin “Aldo”, që i përket numrit në regjistrin e kontakteve të aparatit telefonik * 239 nga ora 21: 04 deri në orën 21: 19. Martinaj: Ku je, afrohu! Aldo: Po pres Olsin me ik me e taku te lokalu.

Martinaj: Ok, mos vono. Çfarë vendi je? Lidhu me çunat, afrohu me armë. Aldo: Ok. Martinaj: Ndalo para lokalit të arit.

Aldo: Ok, erdhëm, jam me Olsin, çunat po vijnë.

Martinaj: Po çunat? Afroji.

Aldo: shpija. Martinaj: Ti ku je? Aldo: Unë për një sekond aty.

Martinaj: Çunave te dyqani redit afroji. A erdhe? Aldo: Po te lokali... jam Martinaj: Ku? Po s’o dalin nga