Prokuroria apelon vendimin e Gjykatës për Ervis Martinajn

Prokuroria e Tiranës ka vendosur që të apelojë menjëherë vendimin e Gjykatës së Tiranës, që la në burg sërish me afat 30- ditor Ervis Martinajn, një prej të plagosurve të përplasjes me armë në Bllok. Prokuroria kërkoi "arrest me burg" pa afat për Martinajn, duke sjellë edhe përgjime në Gjykatë që sipas organit të akuzës, rrëzonin pjesërisht dëshminë e tij se në lokalin ku ndodhi përplasja shkoi rastësisht. Por megjithatë, Gjykata ka gjetur mospërputhje në disa prej provave. Sipas gjykatës, numri i fundit i IME- it të telefonit që i është sekuestruar Martinajt ditën e ngjarjes, nuk përputhet me numrin e IME- it që ekspertët izraelitë kanë zbardhur. "Në gjykim u saktësua se rezultati i aktit nr. 10/ 535 datë 6/ 10/ 2018, ekspertim kimik për faktorët plotësues të qitjes në fytyrën dhe duart e Ervis Martinaj dhe rezultati ishte se në duar dhe fytyrë nuk u evidentuan gjurmë të qitjes me armë zjarri. Kjo gjykatë konstaton se në Spitalin e Traumës i është gjetur Ervis Martinajt një "iPhone X", me numër IME- i tri shifrat e fundit, 587. Nga këqyrja ësh- të përfituar kjo e dhënë në rrjetin Telegram, në datën 4/ 10/ 2018. Gjykata konstaton faktin se numri i IME- it të aparatit telefonik të sekuestruar Ervis Martinajt dhe numri i IME- it të objekt- ekspertimit nuk përputhet me një shifër. Ajo që relatohet nga akuza mbyllet me numrin 0, ndërsa ajo që parashtrohet nga eksperti mbyllet me numrin 7", thuhet në vendimin e gjykatës, duke vendosur masën e sigurisë "Arrest me burg 30 ditë" ndaj 36- vjeçarit. Por Prokuroria nuk është pajtuar me vendimin e gjykatës, ende pa kaluar 24 orë nga vendimi, organi i akuzës së kryeqytetit e ka apeluar atë. Sipas Prokurorisë, gjykata ka marrë një vendim në kundërshtim me ligjin pasi mbi të akuzuarin Ervis Martinaj, përveç dy akuzave që gjykata ka argumentuar në dhënien e vendimit, mbi Martinajn janë ngritur dhe akuza të tjera.