SHBA, sot zgjedhjet e mesmandatit, demokratët shpresojnë për Kongresin
Në SHBA, sot mbahen votimet e mesmandatit presidencial, shumë të rëndësishme për të treguar sesi po vlerësohet presidenca në publik dhe akoma më të rëndësishme për demokratët, të cilët shpresojnë që në këto zgjedhje të forcojnë pozitat e tyre në Kongres. Ish- Presidenti Barak Obama po përballet me Presidentin aktual, Donald Trump, për politikat e tij kontradiktore. Në fjalimin tij mbyllës të fushatës zgjedhore për demokratët, Obama kërkoi një kontroll të fortë mbi politikat e Trump në zgjedhjet e së martës. Obama dhe Trump ofruan vizionet konkurruese për vendin në fushatë, me synimin për të nxitur pjesëmarrjen e votuesve në betejën për të kontrolluar Kongresin dhe postet për guvernatorët. Obama ftoi demokratët në Gary, Indiana, të votonin për senatorin Joe Donnelly, i cili përballet me një sfidë të ashpër nga biznesmeni repub- likan Mike Braun. Ish- Presidenti bëri fushatë edhe në qytetin e tij, Çikagom, për biznesmenin J. B. Pritzker, kandidat i demokratëve për guvernatorin e Illinois. Pa ia përmendur emrin, Obama e ka akuzuar Trump për gënjeshtra dhe ka paralajmëruar demokratët që të mos hutohen. Trump është kundërpërgjigjur, duke e akuzuar Obamën se ka lënë pas gjurmët e premtimeve të papërmbushura mbi tregtinë, rimëkëmbjen ekonomike dhe kujdesin shëndetësor. Republikanët parashikuan se do të shtonin shumicën e Senatit me dy vende, edhe pse partia e një Pres- identi në mandat të parë zakonisht ka vështirësi me zgjedhjet afatmesme. Demokratët po mbrojnë 10 vende të Senatit në shtetet që Trump mori në vitin 2016. Senatori Thom Tillis, republikan i Karolinës së veriut, tha se republikanët jo vetëm që do të mbajnë shumicën, por do ta shtojnë atë. Senatori demokrat Mark Warner, tha se edhe nëse votuesit janë të motivuar nga një ekonomi e fortë, shumë njerëz e kuptojnë se duhet një kontroll mbi këtë President. Dhe senatori tjetër demokrat, Chris Van Hollen, tha se partia ka edhe një rrugë shumë të ngushtë për të siguruar një shumicë, pavarësisht përballjes me hartën më të ashpër të Senatit në 60 vjet.