Qarkullim, presing dhe "Ninxha", lëvizjet anti- Barça të Spaletit
"Kemi thënë gjithmonë se mund të sfidojmë këdo apo jo? Atëherë, le ta tregojmë edhe kundër Barcelonës, niveli më i lartë i vështirësisë që mund të kesh përballë, një skuadër e pajisur për të fituar Champions- in".
Luçiano Spaleti karikon Interin e tij: "Me Mesin rritet grada e paparashikueshmërisë së Barçës, por edhe pa të qëndrimi ynë nuk duhet të ndryshojë. Nuk do markojmë lojtarët, por hapësirat". Kur e pyesin nëse shembulli i Murinjos së 2010- ës ( ose më saktë një ndeshje e tëra në pritje) mund të jetë i përsëritshëm, Spaleti përgjigjet jo: "Sipas meje nuk është e drejtë të presësh. Jemi nisur një vit e gjysmë më parë, po shkojmë në drejtimin e duhur. E thjeshtë të thuash ' mobilizohemi dhe shpresojmë te kundërsulmi', do nevojiteshin lojtarë të shpejtë që bëjnë 100 metra dhe të aftë të shënojnë në çdo okazion. Rruga për t'u ndjekur në fakt është ajo e Barçës: janë një pikë referimi edhe në sportet e tjerë, e pse jo për ne".
FORMACIONI DHE OBJEKTIVI
Spaleti vijoi: "Në ' Camp Nou' nuk arritëm të mbanim topin gjatë, pasi e rikuperonim, nesër ( sot) duhet të bëjmë më mirë. Në fund varet edhe nga lloji i presingut: kur topin e ka portieri i tyre, duhet të avancojmë të gjithë në zonën e tyre. Moduli? Mund të përsëritet ai i ndeshjeve të fundit ( nisje me 4- 2- 3- 1, më pas kalim te 4- 3- 3), edhe pse gjendja e Naingolanit duhet të vlerësohet. Raxha është një lojtar i kompletuar: di të përshtatet dhe përpara mbrojtjes, jo vetëm pas sulmuesit. Madje, roli i tij fillestar ka qenë ' shkatërrues', në Romë shkëmbyem pozicionet mes tij e Pjaniçit dhe nuk mbeti askush pa më sulmuar. Por, në fund të gjitha penat që kishin shkruar, nisën të fshinin gjithçka". Objektivi, normalisht, është kalimi i grupit: "Nuk duam të flasim për vendin e parë, nevojitet kualifikimi dhe mjaft, do ishim të lumtur nëse do kalonim fazën si të dytët: të kujtojmë se çfarë u tha gjatë shortit. Interi është në rritje të vazhdueshme, sipas meje po japim më shumë se sezonin e kaluar edhe me 4 pikë më pak, sepse niveli i Serisë A këtë edicion është rritur. Po punojmë në çdo aspekt, duke u përpjekur t'i përcjellim të njëjtin mesazh çdo komponenti të skuadrës. Tani krahasohemi me skuad-
Spaleti do ketë sërish detyrën për të studiuar lëvizjet e nevojshme për t'i dhënë "shah mat" Barcelonës, këtë vit të mposhtur vetëm një herë ( 2- 1 ndaj Leganesit në La Liga). Në "Camp Nou" mesfusha vuajti, krahët dështuan dhe topi i lojës ishte ( thuajse) gjithmonë në këmbët e Barçës. Lëvizja e parë është qarkullimi i topit. Brozoviç e Vesino u rrethuan shpesh nga mesfushorët "blaugrana": për t'i përmbajtur këtë herë, Interi duhet të shpresojë te krahët, si në mbrojtje, po ashtu edhe në sulm. Mbrojtja, natyrisht, do ketë një detyrë të lodhshme: me apo pa Mesin, "muri" përpara Handanoviçit nuk duhet të shtypet, por të qëndrojë i avancuar. Këtë radhë zikaltrit do kenë një kartë plus krahasuar me Barcelonën ( dhe me ndeshjen e parë): Naingolanin, favorit ndaj Borha Valeros. Belgu do jetë thelbësor mbi të gjitha për të ndalur lojën e Arthurit. Në nivel formacioni, zgjedhjet janë praktikisht të ditura, me përjashtim të surprizave: pritet të zbresin në fushë nga 1' pesë lojtarët që pushuan të shtunën kundër Xhenoas ( Ikardi, Vesino, Vrsaliko, Azamoah e Naingolan) dhe do konfirmohen Brozoviç, Politano e Perisiç, plus dyshja e qendërmbrojtjes De Vraj- Shkrinjar. ra që në shpatulla kishin vite pune, marr si shembull Napolin. Vitin e kaluar patëm momente të vështira, na mungonte gjaku… tani shpresoj ta kemi gjetur sërish".
MENTALITET
Nga salla, kronistët i kujtojnë trajnerit zikaltër shprehjen e thënë në konferencën pas fitores kundër Xhenoas: është e vërtetë që nëse Interi do përgatiste ndeshjet si Barcelona, ose më saktë me pak nxehmje dhe duke marrë fëmijët nga shkolla disa orë përpara startit, do humbiste 18- 0? Ishte kritikë apo elozh? "Jo, nuk ishte aspak kritikë. Në ndeshjen e parë dolën nga dhomat e zhveshjes në momentin e fundit dhe kanë aq shumë cilësi sa nuk u shërben parapërgatitja e dy ditëve më parë si ne… Unë nuk kritikoj askënd, merreni me mend Barcelonën… Ajo është skuadra për t'u ndjekur, stilin e saj do doja t'ia përcillja edhe skuadrës sime. U bëj komplimente".