Biznesmeni shqiptar ndalohet në Itali, iu gjetën 3 pistoleta
Arrestohet Gëzim Sallaku bashkë me tre vëllezërit e tij
Biznesmeni shqiptar Gëzim Sallaku, presidenti shqiptar i skuadrës italiane të futbollit “Darfo Calcio” që luan në kampionatin e Serisë D, është vënë në pranga mbrëmjen e së martës në Itali.
Bashkë me të janë arrestuar edhe 3 vëllezërit e tij, Isuf, Gazmir e Taulant Sallaku, me akuzën e armëmbajtjes pa leje, por, sipas mediave italiane, dyshohet edhe përfshirja e tyre në trafikun e lëndëve narkotike. Arrestimi është kryer nga karabinierët e Brenos gjatë një operacioni të nisur nga Njësitë Policore të Breshias. Gjatë këtij operacioni kanë rënë në pranga më shumë se 20 persona, për të cilët ishin firmosur urdhërarrestet nga Prokuroria e Breshias, për trafik lëndësh narkotike. Mësohet se 4 vëllezërit shqiptarë Sallaku, fillimisht janë vënë në pranga pasi gjatë një kontrolli në garazhin e shtëpisë së tyre janë gjetur 3 pistoleta, për të cilat nuk kishin asnjë lloj autorizimi për t’i mbajtur apo për t’i përdorur. Mediat italiane raportojnë se gjatë këtij op- eracioni është goditur një organizatë kriminale italo- shqiptare që trafikonte drogë nga provinca e Parmës dhe e Bergamos drejt Breshias. Hetimet për këtë grup mësohet se kanë nisur në nëntor të vitit të kaluar, duke vënë në pranga 30 persona, 22 prej tyre u arrestuan gjatë orëve të fundit, mes së cilëve dhe biznesmeni shqiptar Gëzim Sallaku e 3 vëllezërit e tij. OPERACIONI NE TETOR
Në mesin e tetorit, Policia italiane arrestoi disa shtetas shqiptarë, pasi u zbulua një laborator droge ku u gjetën 12.5 kg heroinë. Njëri nga të arrestuarit ishte shtetasi Saimir Sallaku, 44 vjeç dhe siç raportonte “Corriere”, ishte i afërm i biznesmenit dhe pr- onarit të klubit italian të futbollit “Darfo Boario Calcio”, Gëzim Sallaku. Sipërmarrësi shqiptar u arrestua në shkurtin e 2016- ës së bashku me 2 vëllezërit e tij, pasi akuzoheshin për evazion fiskal, por më pas u lanë të lirë. Në 2017ën, Gëzim Sallaku fitoi edhe betejën në Gjykatën e Lartë italiane, që vendosi të heqë sekuestron nga asetet e tij, përfshirë dhe aksionet në klubin e futbollit Darfio si dhe apartamente e restorante në vlerën e 13 milionë eurove. Në operacionin e fundit, droga u gjet në një apartament pranë rrugës kryesore që kalon në komunën Osio Sotto ( Bergamo). Sipas hetuesve, apartamenti përdorej për paketimin e drogës, që më pas shitej në rajonin e Val Camonica. Siç raporton “Corriere della Sera”, nën shtrat u gjet një kuti, brenda së cilës ishin 12.5 kg heroinë. Përveç heroinës, aty u gjet edhe një sasi e vogël kokaine dhe përzierës, si dhe pajisje që përdoroheshin për paketimin e drogës.