Dosja e laboratorit të heroinës në Has kalon te Krimet e Rënda
Dosja e laboratorit të drogës, zbuluar rreth tri javë më parë në Has, i është bashkangjitur dosjes së "Vol- vo 4". Ndaj, ditën e djeshme 5 të arrestuarit pas gjetjes së laboratorit kanë dalë ditën e djeshme përpara togave të zeza të Krimeve të Rënda për t'u njohur me masën e sigurisë. Togat e zeza të Krimeve të Rënda kanë vendosur të njëjtat masa sigurie siç vendosi Gjykata e Kukësit tri javë më parë. Gjykata e Krimeve të rënda caktoi masën e sigurisë "Arrest me burg" për tre nga 5 të arrestuarit për laboratorin e heroinës në Has. Në qeli do të vazhdojnë të qëndrojnë Xhavit Shuti, Flamur Çela e Vehbi Barushi. Ndërkohë, 76- vjeçari Mustaf Shuti do të qëndrojë në "arrest shtëpie", ndërsa për Anila Shutin u caktua masa "detyrim paraqitje". Gjyqtari i Krimeve të Rënda Bibë Ndreca nuk ndryshoi në këtë mënyrë kërkesën e dy prokurorëve të operacionit "Volvo 4", për dhënien e masës së sigurisë ndaj 5 të arrestuarve të laboratorit të heroinës në Has. Ndërkohë, djali i familjes Shuti, Xhaviti, u ka qëndruar deklarimeve të tij të para. Edhe dje ai është shprehur përpara togave të zeza se magazinën e banesës e kishte dhënë me qira për bimë mjekësore dhe se gjendja e tij ekonomike ishte skandaloze për t'u quajtur si trafikant droge. Më datë 22 tetor në magazinën në pronësi të familjes Shyti, e cila ndodhej shumë pranë banesës së tyre në fshatin e largët të Hasit, Policia zbuloi laboratorin e drogës ku u sekuestruan sasi të mëdha heroine dhe lëndësh të tjera që përdoren për përpunimin e saj. Ndërkohë, kujtojmë që si i dyshuar që ka lidhje me laboratorin e drogës në Has, Policia bëri të mundur edhe arrestimin e një biznesmeni turk në fushën e tekstileve. Aktiviteti i turkut, tashmë të arrestuar për akuzën e prodhimit dhe shitjes së lëndëve narkotike, përdorej si maskim për të sjellë në vendin tonë nga Turqia opium, që përdorej për përgatitjen e heroinës brenda laboratorit në Has. Në laboratorin e Hasit, ajo përpunohej dhe më pas hidhej në treg me destinacion Gjermaninë dhe vende të tjera të BE- së.
PERSONA
u arrestuan fillimisht nga Policia për laboratorin e heroinës në Has. Ata nuk i kanë pranuar për asnjë moment akuzat, duke thënë se nuk kishin dijeni për drogën dhe që mendonin se do të përpunonin barna mjekësore