Vokshi: Provat e dosjes "339" çojnë Dakon në burg

Reagon kryebashkiaku: Padi për shpifje, shtohen fondet e edukimit

Panorama (Albania) - - POLITIKE - Albana Vokshi Vangjush Dako

Partia Demokratike, përmes deputetes Albana Vokshi, vijoi ditën e sotme akuzat ndaj qeverisë, duke deklaruar se ajo po mban kyçur në zyrat e Prokurorisë provat në lidhjen me dosjen "339", që, sipas saj, dërgojnë në burg kryetarin e Bashkisë së Durrësit, Vangjush Dakon. Në emrin e PD- së, deputetja Vokshi tha se Vangjush Dako duhet arrestuar sa më parë pasi, sipas saj, përgjimet e dosjes "339", janë një provë e qartë që tregojnë se ky i fundit ka kryer një krim elektoral. "Dosja ' 339' që Edi Rama po e mban të kyçur në sirtarët e Prokurorisë është prova që çon në burg Vangjush Dakon si autor të masakrës elektorale në Qarkun e Durrësit, në bashkëpunim me bandat. Përgjimet e dosjes ' 339' kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blera për tepsinë e Edi Ramës",- është shprehur Vokshi. Pas dek- laratës nga selia e PD- së nuk ka vonuar përgjigja e kryebashkiakut të Durrësit, Vangjush Dako, i cili përmes një statusi në faqen e tij në "Facebook" është shprehur se: "Me shumë kënaqësi do të ngre padinë për shpifje edhe për zonjën Vokshi, të cilën kam pasur rastin ta ndjek nga afër në fushatat e saj të ulëta si deputete e Durrësit, jo shumë kohë më parë! Një zonjë e papërmbajtur në fjalor, në gënjeshtra dhe në injorancën e saj ekstremiste. Një politikane që e bën të bardhën të zezë dhe anasjelltas dhe që as nuk skuqet, as nuk zverdhet, kur gënjen elektoratin. Aq gënjeshtare është kjo politikane, saqë ako- ma sot nuk mbarojnë barsoletat për të në katundet ku kujtoi se gjeti budallenj për t'u marrë votën! Mori atë që meritonte dhe sot vazhdon po njësoj, tamam njeriu që krijoi Saliu. Në Gjykatë, e panderuara zonja Vokshi, aty silli provat e fajësisë time ose pastaj dihet, lekët për Fondin e Edukimit".

Newspapers in Albanian

Newspapers from Albania

© PressReader. All rights reserved.