Milan- Juventus, Higuain e Bonuçi sfidojnë të shkuarën ARBITRI

Gatuzo i beson Kastijehos, Alegri rikthen "luftëtarin" Mario Manxukiç

Gjashtë trofe, 105 ndeshje dhe 55 gola nuk mjaftuan për të mbajtur Gonzalo Higuainin në Torino.

Për të tretin sezon radhazi. Në verën e këtij viti, argjentinasi u "shkarkua" nga Juventusi dhe ndihmoi këtë të fundit të orkestronte një megashkëmbim me Milanin, ku u përfshinë Leonardo Bonuçi dhe Matia Kaldara. Përveç zbarkimit të Ronaldos, në dy sezonet bardhezi ka pasur diçka që nuk i ka bindur plotësisht drejtuesit dhe ka qenë pikërisht impakti i tij në ndeshjet europiane. Ky përflitet të ketë qenë shkaku i prishjes së raportit të sulmuesit me "Zonjën", teksa edhe mosha ( 31 vjeç në dhjetor) nuk ishte në favor të argjentinasit. Duke shtuar këtu edhe raportin në fushë me Ronaldon dhe për të investuar në blerjen e këtij të fundit, Gonzalo u shit te Milani, që përveç 18 milionë eurove për huazimin, në fund të sezonit duhet të derdhë në arkat bardhezi edhe 36 milionë euro për blerjen përfundimtare të bomberit. Do të jetë Paolo Maxoleni arbitri i ndeshjes së vlefshme për javën e 12- të të Serisë A mes Milanit dhe Juventusit. Herën e fundit që ky arbitër drejtoi klasiken e futbollit italian, ishte në mars të këtij viti, e cila përfundoi 3- 1 për bardhezinjtë. "Zonjën" e ka drejtuar në 19 fitore, 4 barazime dhe pesë humbje, teksa disi më negativ bilanci për "Djallin" me 10 fitore, 9 humbje e 6 barazime. Ka arbitruar 4 herë duelet Juventus- Milan dhe "Zonja" i ka fituar të katërta.

"Djalli" - Formula e huazimit nuk e bindte fort Higuainin, i cili u josh më pas nga këmbëngulja e drejtuesve kuqezi. Besimi dhe përgjegjësitë në klubin e ri ndikuan pozitivisht te lojtari. Gatuzo i besoi frerët e sulmit dhe "Pipita" deri në këtë pikë të sezonit e ka shpërblyer me 7 gola në 12 prezenca mes Serisë A dhe Ligës së Europës. Argjentinasi ndërton manovrën ofensive dhe shërben për shokët, si në rastin e Kutrones kundër Olimpiakosit. 1015 minuta aktivizim me një mesatare prej një goli në 145, e duke qenë se nuk ka shënuar në ndeshjen e fundit, Bonuçi me shokë duhet të ndihen disi të shqetësuar.

FORMACIONET Vazhdon stuhia e dëmtimeve te Milani, me Patrik Kutronen që ka ndjerë dhimbje në kavlijen që e pati shqetësuar disa javë më parë. Sot, sulmuesi mund ta nisë nga stoli e në vend të tij është gati të luajë Kastijeho, i cili ndaj Udinezes bëri shumë mirë. Për pjesën tjetër nuk pritet të ketë shumë ndryshime. Ndërkohë, Masimiliano Alegri pritet që të zbresë nga minuta e parë "luftëtarin" Mario Manxukiç, i cili do të bëjë repart me Ronaldon dhe Dibalën në formacionin 4- 33. Në mesfushë mund t'i besojë eksperiencës së Khedirës dhe Matuidisë, duke lënë në stol Bentankurin, ndërsa në mbrojtje do të rikthehet titullar Zhoao Kanselo.