21 vendime për qytetarët e Tiranës
Protesta e banorëve që do iu shemben shtëpitë në Unazën e Re është zhvendosur për të tretën ditë përpara Bashkisë së Tiranës, duke marrë përmasa gjithnjë e më të mëdha dhune.
Pikërisht në kohën kur ishte parashikuar të mbahej mbledhja e Këshillit Bashkiak banorët ndezën protestën dhe vendin përreth, duke përdorur shashka të mëdha, tymuese e vezë në drejtim të bashkisë. Përpjekjet e tyre për t’u futur brenda me forcë nuk mundën dot kordonin e madh të Policisë që rrethonte gjithë godinën, ndërsa të vetmit të lënduar nga përdorimi i forcës ishin tre prej tyre, që përfunduan në spital për të marrë ndihmën e parë. Qëndrimi i këtyre të fundit u vlerësua nga kryetari i bashkisë, Erion Veliaj, i cili edhe pse jo i pranishëm në godinë, përmes një statusi në rrjetet sociale shprehu mirënjohje për forcat blu të bashkisë, teksa njoftoi se pavarësisht kësaj, projekti nuk do të ndalet. “Mirënjohje të thellë policëve bashkiakë për qytetarinë e treguar përballë partisë së dhunës, hurit e zjarrit! Shërim të shpejtë oficerëve të plagosur! Si te Lodrat, Sheshi ‘ Skënderbej’ dhe Pazari i Ri, puna do e mundë dhunën dhe qyteti do triumfojë mbi barbarinë! Ta harrojnë, Tirana nuk ndalet më!”, citon kryebashkiaku. Nënkryetari Andi Seferi, teksa vizitoi policët në spital apeloi banorët të distancohen nga dhuna dhe të mos bëhen pre e lojës politike. “S’DUAM QIRA, PO
SHTËPI” Kjo është vetëm një nga thirrjet e dëshpëruara të protestuesve që kërkojnë prej gati dy javësh një përgjigje për fatin e pronës së tyre. “Nuk na bën punë as një e as tre vite qira. Nuk duam vila siç i kemi
Tymueset, shashkat e vezët në drejtim të institucionit nuk kanë ndikuar aspak në punën e Këshillit Bashkiak, i cili u mblodh qetësisht në kohën që protesta mori përmasa dhune. Përveç një pike në rendin e ditës me 22 projektvendime, të gjitha vendimet e dërguara nga bashkia në Këshill u miratuan me shumicën e thjeshtë të maxhorancës. Përgjatë 30 minutave të mbledhjes që kaloi në kohë rekord shumë vendime me rëndësi për qytetin, për asnjë moment nuk u cek tema e banorëve të unazës, zhurmat e banorëve të së cilës dëgjoheshin pareshtur. ndërtuar me mundin e sa viteve, por thjesht një banesë ku të fusim kokën. Ç’të presim ne?! Erion Veliaj nuk denjon as të na takojë e të na dëgjojë çfarë kërkojmë”, thotë një grua, e cila protestoi dje familjarisht e madje disa herë tentoi të depërtonte kordonin e Policisë për t’u futur në bashki. “Jemi qytetarë, nuk jemi shpellarë” dhe “Poshtë hajdutët” kanë shoqëruar për afro dy orë tubimin e qytetarëve të papronë. Protesta nuk ka ndalur për asnjë moment punën për rrugën. Pas “Shqiponjës”, fatin e keq për t’u rrëzuar e kishin dje pemët e pakta në dy kahet e rrugës ekzistuese, proces ky që pritet të pasohet me banesat e shënjuara për t’u shembur. Sipas njoftimeve, banorët kishin kohë dy javë të largonin gjërat personale. Teksa data e caktuar po afron, protesta ka marrë të tjera përmasa dhe banorët as kanë ndërmend të dalin me pretendimin e një shpronësimi të drejtë.