Mediat në Maqedoni reshtin me aludimet
Gazetarët presin deklaratat zyrtare për arratisjen e Gruevskit
Deri të enjten pasdite, mediat në Maqedoni dhe në të gjithë rajonin kanë aluduar mbi arratisjen e ish- Kryeministrit Gruesvki, duke ndërtuar skema të ndryshme. Historitë e sajuara kanë përfshirë kalimin e kufirit prej tij me pasaportë false bullgare, kalimin si i maskuar si femër, kalimin kufitar drejt Serbisë i ndihmuar nga policët serbë sepse ka pasur marrëdhënie të mira me zyrtarët në Beograd dhe fluturimin nëpërmjet një kompanie që ka gjashtë vite që nuk ekziston më “Malev” nga Shqipëria drejt Hungarisë, i maskuar me syze dhe kapelë dhe me pasaportë false bullgare. Por autoritetet bullgare kanë konfirmuar se shtetasi maqedonas Nikola Gruevski nuk ka aplikuar kurrë për një pasaportë bullgare dhe nuk është shtetas bullgar, pra, historia e një pasaporte të tillë bie. Po ashtu ka rënë pa dyshim edhe historia se ka udhëtuar nga aeroporti i Tiranës “Nënë Tereza,” pasi u konfirmua zyrtarisht se ka kaluar në kufirin tokësor Hani i Hotit nga Shqipëria drejt Malit të Zi. Autoritetet maqedonase nuk mund të kërkojnë llog- ari për largimin e Gruevskit nga asnjë prej vendeve fqinje, pasi ai nuk ka qenë në kërkim ndërkombëtar dhe nuk ka pasur asnjë urdhër ndalimi ndaj tij. Por mund të kërkojë kthimin e tij në Maqedoni për të vuajtur dënimin në Burgun e Shutkës, një burg famëkeq për kushtet e këqi- ja, ku ish- Kryeministri do të duhej të kalonte dy vite për dënimin e parë mbi çështjet e korrupsionit dhe abuzimin me pushtetin.
Ministrisë hungareze të Drejtësisë këto ditë do t’i parashtrohet kërkesa me dokumentacionin e plotë për ekstradimin e ish- Kryeministrit Nikolla Gruevski. Në konferencën për shtyp në qeveri, Boshnjakovski tha se bëhet fjalë për dokumentacion voluminoz prej rreth 400 faqeve për ekstradimin e Gruevskit. Mediat të enjten i janë referuar arrestimit të ish– ministrit të Transportit, Mile Janakieski dhe ish- Sekretarit të Përgjithshëm të qeverisë, Kiril Bozinovski, të cilët u vunë në pranga për të mos u arratisur gjatë gjykimit, siç ndodhi me ish- kreun e qeverisë.