Zv. guvernatorja: Siguria financiare, Banka e Shqipërisë, pakt me BE
Banka e Shqipërisë në bashkëpunim me Qendrën FinSAC ( Financial Sector Advisory Center) të Bankës Botërore, organizuan dje Konferencën Rajonale me temë “Planifikimi i rimëkëmbjes dhe ndërhyrjes së jashtëzakonshme”. Zëvendësguvernatorja Natasha Ahmetaj u shpreh se bankat në vend përballen me sfida të shumta, por në bazë të kuadrit të plotë ligjor edhe bankat kanë përgatitur planin e nevojshëm të rimëkëmbjes. “Ndërhyrja e jashtëzakonshme është një proces mjaft sfidues për vendet në zhvillim dhe ato të zhvilluara. Sektori bankar në Ballkan mbizotërohet nga bankat me kapital të huaj. Në Shqipëri, filialet e bankave me kapital të huaj përbëjnë rreth 78% të aktiveve të sektorit bankar, ndërsa ato europiane 48%. Banka e Shqipërisë është Autoriteti i Ndërhyrjes së Jashtëzakonshme për 7 filiale të grupeve bankare të Bashkimit Europian, 4 prej të cilave të klasifikuara si sistemike nën mandatin e Bordit të Përbashkët për Ndërhyrjen e Jashtëzakonshme, SRB. Për këtë qëllim, nënshkrimi i marrëveshjeve të bashkëpunimit ndërmjet autoriteteve të ndërhyrjes së jashtëzakonshme të grupit bankar dhe autoriteteve lokale, ku vepron filiali, është mjaft i rëndësishëm për koordinimin e ve- PER QIND të filialeve të bankave janë me kapital të huaj në vendin tonë, ndërsa me kapital të huaj ato zënë 48 për qind të totalit të aktive, sipas shifrave të zëvendësguvernatores së dytë të Bankës së Shqipërisë primeve, shkëmbimin e informacionit të nevojshëm për planifikimin dhe zbatimin e ndërhyrjes së jashtëzakonshme dhe në tërësi për menaxhimin e koordinuar të krizave. Kam kënaqësinë të ndaj me ju lajmin se Banka e Shqipërisë nënshkroi marrëveshjen e rëndësishme të bash- këpunimit me Bordin e Përbashkët për Ndërhyrjen e Jashtëzakonshme, pra, Autoritetin e Ndërhyrjes për Bashkimin Europian, në datën 3 tetor të këtij viti”, u shpreh Ahmetaj. Zv/ guvernatorja foli edhe për rolin mbikëqyrës së bankave në përmbushjen e dy objektivave kryesore atë të sig- urimit të shëndetit të bankave dhe nxitja e një integrimi më të thellë të sektorit bankar. “Një mbikëqyrje më e fortë dhe uniforme rrit qëndrueshmërinë e bankave dhe i pajis ato me një kornizë politikash më koherente për bankingun ndërkufitar, duke sjellë përfitime në krahasim me sistemin e fragmen- tuar të mbikëqyrjes kombëtare. Mario Draghi thotë: “Le të mos harrojmë, se fragmentimi fillon me vendimin e bankave për të mos operuar në rajone ku raporti risk- fitim në kredidhënie gjykohet i pamjaftueshëm për të shpërblyer kapitalin e investuar prej tyre”, u shpreh Ahmetaj.