Anglia hakmerret kundër Kroacisë
Për të reklamuar Ligën e re të Kombeve do të mjaftonte kjo ndeshje. Në 90 minutat e Angli- Kroaci vendoset gjithçka: kush kualifikohet, zbret dhe qëndron. Dy skuadra duan të fitojnë, një që nga divani kryqëzon gishtat për barazimin. Dhe si aktore protagoniste janë dy gjysmëfinaliste të Botërorit. Verdiktet janë: Anglia në "Final Four", Kroacia në Ligën B. Grupi më i paparashikueshëm i Ligës A përfundon me fitoren e djemve të Sauthgejtit, që arrijnë vendin e parë dhe zbresin Modriç me shokë një ligë më poshtë. Ishte hakmarrja perfekte për gjysmëfinalen e Rusisë. Atëherë ishte një 2- 1 me përmbysje, dje ishte një 21 me përmbysje. Në minutën e 3- të menjëherë e rrezikshme Kroacia: rrëmujë në mbrojtjen angleze, por Rebiç nuk arrin të ndëshkojë. Djemtë e Daliç ua dorëzojnë topin vendësve. Në 12', "Luanët" kanë një shans të dyfishtë: fillimisht Kaliniç hipnotizon Sterling, pastaj Kejn godet lart në akrobaci. Një dopioshans që përsëritet më pas: Kaliniç del keq, Kejn go- det me portën e boshatisur, por Jedvaj shpëton. Në goditjen e dytë të kapitenit, portieri kroat pret. Daliç bën një ndryshim të detyruar në 26', kur i dëmtuari Vrsaliko i lë vendin Miliç. Por pjesa e parë mbyllet 0- 0. Pjesa e dytë nis si e para, topi i anglezëve dhe ballkanasit provojnë kundërsulmin. Në momentin e shkëlqyer të ishullorëve vjen goditja. Kramariç në 57' gjendet me shpinë nga porta, kthehet dhe rikthehet dhe kur duket se do e humbasë duelin me mbrojtësit, gjen trekëndëshin e Pikfordit, edhe falë një devijimi. Brozoviç dhe Perisiç mund të përfitojnë për ta vrarë përfundimisht ndeshjen me dy kundërsulme të rrezikshme, por nuk gjejnë kuadratin. Sauthejt provon Dele Alin në vend të Barklejt, pak më vonë edhe Lingard dhe Sanço në fushë për Delf dhe Rashford. Dhe është pikërisht sulmuesi i Junajtid ai që nxjerr gështenjat nga zjarri, duke devijuar në rrjetë topin e shtyrë nga Kejn në 78'. Në 85' Kejn përmbys gjithçka me një zgjatje në shtyllën e dytë dhe Kroacia dorëzohet përfundimisht, duke mos u bërë më kërcënuese. Feston Anglia, hidhërohet Spanja dhe qan Kroacia.