Shkëmbim zjarri, vritet nga Policia greke një shqiptar
Po trafikonin drogë, hapën zjarr dhe plagosin një efektiv
Një shqiptar është ekzekutuar nga Policia greke në fshatin Vissani, Pogoni të Janinës, pranë kufirit mes dy vendeve.
Sipas raportimeve të mediave greke, efektivët e Policisë së Janinës, teksa kontrollonin një grup shqiptarësh që po trafikonin drogë, janë qëlluar nga ata me armë zjarri. Policia është kundërpërgjigjur dhe një shqiptar, identiteti i të cilit nuk është bërë i ditur, ka mbetur i vdekur. Si pasojë e shkëmbimit të armëve ka mbetur i plagosur edhe një efektiv i Policisë greke, i cili sipas të dhënave ka marrë plagë në trup dhe ndodhet në spital jashtë rrezikut për jetën.
NGJARJA
Ngjarja ka ndodhur në orën 18: 00 me orën lokale në vendin e quajtur Visani, ( fshati Pogon) Janinë. Sipas gazetës greke "Protothema", një grup shqiptarësh duke ecur në këmbë po transportonin drogë nga Shqipëria në Greqi. Në momentin kur kanë parë se u pikasën nga Policia greke, ata hapën menjëherë zjarr ndaj kësaj të fundit.
Burime zyrtare nga Policia greke bënë me dije se shqiptarët po transportonin rreth 100 kg marijuanë dhe një sasi heroinë. Ndërkohë që në vendngjarje janë gjetur çantat me drogë.
Po ashtu, mësohet se shqiptarët kanë qëlluar me kal- lashnikov në drejtim të Policisë, ndërsa kjo e fundit e ndodhur në këto kushte ka rrethuar zonën. Sipas Policisë greke, në vendin e ngjarjes janë gjetur 2 kallashnikovë, ndërsa janë vënë në ndjekje të 4 shqiptarëve të tjerë, të cilët janë kthyer menjëherë mbrapsht në ten- tativë për të kaluar kufirin drejt Shqipërisë. Policia greke theksoi se në vendngjarje është gjetur rreth 100 kg marijuanë.
E ndodhur në këtë situatë, Policia greke ka vënë në gatishmëri gjithë forcat kufitare në Janinë e Igumenicë. Ndërsa në vend, në orët e vona mbërritën edhe forcat speciale të EKAM.
TRAFIKANTET
Policia greke bëri të ditur për mediat vendëse se trafikantët janë pikasur me çantat e ngarkuara në kurriz. Ata dyshohet se kanë kaluar nëpërmjet kufirit të gjelbër dhe me vete kishin edhe armatim. Policia që patrullon zonën për shkak të tentativave të shumta të trafikut, sidomos nga Shqipëria, është vënë në ndjekje të pesë trafikantëve, por këta të fundit, siç mësohet kanë hapur zjarr duke tentuar t'i shpëtojnë ndjekjes. Ata nuk i janë përgjig- jur as thirrjes për t'u dorëzuar, por kanë qëlluar me armë drejt uniformave. Këta të fundit janë kundërpërgjigjur me armë dhe për pasojë, njëri prej shqiptarëve ka mbetur i vdekur në vend. Anëtaret e tjerë të grupit, që dyshohet se janë edhe katër të tjerë, janë në arrati. "Jemi ne ndjekje të 4 shqiptarëve", citohen burime të Policisë helene nga mediat greke. Policia ka rrethuar fshatin e Pogonit në Janinë në përpjekje për të arrestuar anëtarët e tjerë të grupit, që u arratisën.
Sipas Policisë greke, në vendin e ngjarjes janë gjetur 2 kallashnikovë, ndërsa janë vënë në ndjekje të 4 shqiptarëve të tjerë, të cilët janë kthyer menjëherë mbrapsht në tentativë për të kaluar kufirin drejt Shqipërisë. Policia greke theksoi se në vendngjarje është gjetur rreth 100 kg marijuanë