VIZITA NË MANASTIR
Presidenti i Republikës, Ilir Meta, ka pasur një takim shumë miqësor me Kryeministrin Zoran Zaev dhe me politikanë të tjerë shqiptarë të Maqedonisë gjatë vizitës së tij në Shkup.
Takimi i parë i tij ishte me Kryeministrin Zaev, të cilin Meta e përgëzoi për përparimin e shënuar nga vendi i tij, si dhe vuri në dukje shpresën dhe dëshirën që Marrëveshja e Prespës mes Maqedonisë dhe Greqisë për çështjen e emrit të përfundojë me sukses. “Kjo do të mundësonte jo vetëm anëtarësimin zyrtar të Maqedonisë në NATO, por do të ndihmonte edhe marrjen e një vendimi të favorshëm në qershor për procesin integrues europian...”, u shpreh Presidenti Meta, duke shtuar se “Shqipëria është e angazhuar për respektimin e të drejtave të pakicës maqedonase”, ndërsa vlerësoi se është me rëndësi bashkëpunimi i qeverive të dy vendeve tona në kuadër të Procesit të Berlinit. Duke e falënderuar Kryeministrin Zaev për atmosferën pozitive të krijuar për shqiptarët në Maqedoni, Presidenti Meta vuri në dukje kënaqësinë që po merr pjesë në festimet zyrtare të Ditës Kombëtare të Alfabetit të Gjuhës Shqipe në Shkup. “Kon- gresi i Manastirit dhe Alfabeti i Gjuhës Shqipe shënojnë ngjarje tepër të rëndësishme dhe historike, sepse sollën dhe mundësuan bashkimin e shqiptarëve dhe ndihmuan për shpalljen e Pavarësisë së Shqipërisë më 1912- n”, theksoi Presidenti i Republikës. Ndërsa Kryeministri i Maqedonisë Zaev vuri në dukje se Më 17 nëntor, Presidenti Meta vizitoi Maqedoninë dhe përshëndeti veprimtaritë përkujtimore të 110- vjetorit të Kongresit të Manastirit, me pjesëmarrjen e dhjetëra shqiptarëve nga të gjitha trevat, ministrit të Kulturës së Maqedonisë, Asaf Ademi, gjuhëtarëve, politikanëve e filologëve. Pas vizitës në “Muzeun e Alfabetit të Gjuhës Shqipe” i mikpritur e i shoqëruar nga shumë banorë shqiptarë, Presidenti Meta shpërndau në mënyrë simbolike 110 abetare për fëmijët shqiptarë të Manastirit. “Pas zbatimit të plotë të Marrëveshjes së Ohrit dhe hyrjes në fuqi të ligjit për gjuhën shqipe, përfundimit me sukses të Marrëveshjes së Prespës me Greqinë, kryerjes së Reformës në Drejtësi, në administratën publike, etj., Maqedonia shpreson të realizojë ëndrrën e saj për anëtarësim në NATO dhe përparimin në procesin integrues europian”. Presidenti Meta dhe Kryeministri Zaev ndanë mendime të njëjta përsa i përket nevojës dhe rëndësisë së shtimit të bashkëpunimit ekonomik, me një impakt rajonal.
Më pas, Presidenti Meta i shoqëruar nga kryetari i Parlamentit të Maqedonisë, z. Talat Xhaferi, zv/ Kryeministri i Maqedonisë, z. Bujar Osmani, kryetari i BDI- së, Ali Ahmeti, udhëheqës të tjerë politikë, deputetë si edhe dhjetëra shqiptarë në Maqedoni, u përul me respekt dhe vendosi një buqetë me lule te monumenti i Heroit tonë Kombëtar Gjergj Kastriot Skënderbeut në Shkup.