Arratia e Gruevskit, Zaev: Si e lejuan këtë 4 vende mike
Kritika për Shqipërinë, Malin e Zi, Serbinë e Hungarinë
Kryeministri i Maqedonisë, Nikola Gruevski, ka vënë në pikëpyetje miqësinë e Shqipërisë, Malit të Zi, Serbisë dhe Hungarisë në lidhje me mënyrën se si janë sjellë katër vendet me arratisjen e Nikola Gruevskit.
Përveç Hungarisë, e cila është e përfshirë me të dyja këmbët në arratinë ilegale të një ish- zyrtari maqedonas në kërkim, pasi e ka pritur me makinë diplomatike që kur ka kaluar kufirin shqiptar në rrugë të gjelbër dhe e ka përcjellë me makinë diplomatike, duke evituar pengesat deri në Budapest, tre vendet e tjera e kanë sqaruar specifikisht se nuk kishin asnjë rrugë ligjore për të ndaluar Gruevskin. Nuk dihet nëse Zaev ka dashur të tregohet më “diplomat”, duke mos akuzuar vetëm Hungarinë, apo vërtet beson se edhe vendet e tjera fqinje duhej të ndalonin ish- Kryeministrin, edhe pa pasur një kërkesë zyrtare nga Shkupi. “Hetimi do t’i zbulojë detajet për arratisjen e Gruevskit, por mbetet pyetja si katër vende, miqtë tanë, e lejuan këtë”, tha Kryeministri Zoran Zaev, duke iu përgjigjur gazetarëve pas një vizite në Strumicë. Zaevi pret që opinioni shumë shpejt të informohet se çfarë saktësisht ka ndodhur në Maqedoni rreth arratisjes së ish- Kryeministrit. “Jam informuar nga MPB dhe e di deri më tani ku kanë mbërritur punët dhe besoj se shumë shpejt opinionit do t’i bëhen të ditura detajet për atë se çfarë ka ndodhur në Republikën e Maqedonisë, sepse e dimë çfarë ka ndodhur në Shqipëri, Mal të Zi, Serbi dhe në Hungari. Mbetet pyetja se si miqtë tanë, katër vende, e kanë lejuar këtë dhe gjithsesi mbetet pyetja se si tri vende anëtare të NATOs, duke demonstruar sundim të së drejtës, e them këtë nën thonjëza, në kohën kur sho- qëria e Maqedonisë, Parlamenti i Maqedonisë seriozisht është fokusuar për shkak të frymëzimit të madh me të drejtë për të qenë anëtare e BE- së dhe e NATOs, lejojnë të ndodhë pikërisht kjo”, theksoi Zaev, duke shtuar se “Të gjithë e pamë se me automjete diplomatike të Hungarisë dhe i shoqëruar nga diplomatë hungarezë, Gruevski ka mbërritur në Budapest”.