KALLËZIMI I IKMT- SË
Aida Shllaku, aktualisht drejtoreshë e Mjedisit në Bashkinë e Shkodrës, akuzohet se ka shpërdorur detyrën gjatë kohës kur mbante postin e drejtoreshës së Zyrës së Urbanistikës. Prokuroria e Shkodrës kishte nisur hetimet në fund të vitit 2015 për këtë çështje, ndërsa dje është dërguar dosja për gjykim në Gjykatën e Shkallës së Parë Shkodër. Nga hetimet është zbuluar se Shllaku në bashkëpunim me tre zyrtarë të tjerë me funksion specialistë në Drejtorinë e Planifikimit dhe Kontrollit të Territorit, në Bashkinë Shkodër, kanë dhënë dy leje ndërtimi, përkatësisht njëra në vitin 2009 dhe tjetra në vitin 2013, në kundërshtim me ligjin. Shkelja ka të bëjë për respektimin e distancës si dhe koefi- cienti i shfrytëzimit të tokës. "Prokuroria Pranë Gjykatës së Shkallës së Parë Shkodër, në përfundim të hetimit të kryer në kuadër të procedimit penal nr. 2146, datë 26 nëntor 2015 ka dërguar për gjykim shtetasen Aida Shllaku, me funksion ishdrejtoreshë e Zyrës së Urbanistikës në Bashkinë Shkodër si dhe shtetasit S. Z., GJ. L., S. L., I. T. dhe J. V., me funksion specialistë në Drejtorinë e Planifikimit dhe Kontrollit të Territorit, në Bashkinë Shkodër akuzuar për kryerjen e veprës penale të "Shpërdorimit të detyrës". Këta shtetas akuzohen të kenë dhënë në kundërshtim me ligjin dhe aktet nën- ligjore në fuqi dy leje ndërtimi dhe konkretisht lejen e ndërtimit nr. 40 prot. datë 22 gusht 2013 për objektin "godinë shërbimi 3 kat me çati + bodrum", për investitorin shoqëria "Old- B" shpk dhe nr. 10 datë 16 prill 2009, për objektin "kompleks banimi dhe shërbimi 8 kat + bodrum Drejtoresha e Mjedisit në Bashkinë e Shkodrës, Aida Shllaku, është kallëzuar penalisht edhe në mars të vitit 2015. Shllaku bashkë me ish- kreun e Bashkisë Shkodër, Lorenc Luka, u akuzuan nga ana e Inspektoratit Kombëtar të Mbrojtjes së Territorit se kanë miratuar leje ndërtimi në kundërshtim me aktet ligjore në fuqi. Inspektorati pretendon se këto shkelje janë bërë sikur zyrtarët në fjalë kanë qenë funksionarë të KRRT- së, si dhe në detyrat që ushtrojnë aktualisht. Dyshohet se këta zyrtarë kanë lëshuar një leje ndërtimi, duke shkelur procedurat ligjore për një objekt në pronësi të një shtetasi nga Shënkolli, për të cilin janë referuar materialet në Prokurorinë e Rrethit Gjyqësor Lezhë. ( kati përdhe njësi shërbimi), për investitorin shoqëria "Vllaznimi+ Idel shpk", bëhet e ditur nga Prokuroria Shkodër.
Më tej, në dosjen e Prokurorisë nënvizohen dhe shkeljet e kryera me miratimin e këtyre dy lejeve ndërtimore. "Në dhënien e këtyre lejeve të ndërtimit nuk janë respektuar kushtet e parashikuara nga ligji dhe aktet nënligjore në lidhje me distancat midis objekteve, distancat e tyre nga rruga publike si dhe koeficienti i shfrytëzimit të tokës duke cenuar kështu interesat e pronarëve të pronave kufitare", bën me dije organi i akuzës.